Luku 16:19 - Enga Niu Tesamene

¹⁹ “Akali yuunya kamongo mendeme yonge pee kala pepolopi, lapalapa kyeo lapae epepi, dupa pyoo katao, koteaka lao nee etete epe dupa nao katea.

Luku 16:19 Referans Kwoze

Revelesene 18:16

“Siti andake Babilone makande petae enda doko lapalapa kyeo lapae epepi, lapalapa kala pepolopi, lapalapa kate pyapaepi, golopi, kana auu pipae muni andake pupengepi, bisapi, dupame wamba baa yati petae petea. Indupa oapi epe dupa awa mendainya iki koeyasetelyamo dokonya kondo, etete kondona” latami. Dokopa sipi lyaa miningipi, sipinya sambao paengepi, sipinya kalai pingipi, solowatanya paeyao bisinisa pingipi, dupa pitaka londatili katao,

Revelesene 18:7

Baame yongenya koo pyoani kaeyamo dupa pyoo pituu, baa tange kenge minalyoo, ‘Namba kuini enda pilyo. Walyakae napilyona, mona kenda pisoo ee lasingi mende nakandatona’ lao baanya moname masingi. Dopa lao masingina, nyakamame baa tanda maiyoo ee lasalapape.

Revelesene 17:4

Enda dokome yonge pee kala pepolo mendepa, kate pyapae mendepa petala, golopi, kana auu pipae muni andake pupengepi, bisapi dupame yati petala, kapo golome wasepae mendenya baanya kepo kolenge mana myuku pipaepi, kaimala pipaepi, dupame tumbatae kateamopa, baanya kingimi minatae petea.

Luku 16:1

Jisasame baanya disaipolo dupa lamaiyoo, “Yuunya kamongo mendenya oapi dupa isakamaingi akali mende katea. Isakamaingi akali dokome muni akipi dupa pyoo nepa-nepa pyoo kalyamona lao, baa-kisa tenge setao pii mende minao yuunya kamongo doko katea dokonya epeami.

Make 15:17

Kambu pyatala, dupame yonge pee kala pepolo mende Jisasanya petakamai, kende nenge-nenge katapae mende nyoo makipu petala, baanya aiyombanya pisakamaiyami.

Luku 15:13

Yuu gii kuki pateamopa, wane kole dokome baanya muni oapipi dupa pitaka nyoo, yuu londati mendenya pao katea. Dokonya katao baanya muni oapipi dupa luiyao pyoo nepea.

Make 15:20

Dopa pyoo baa lamba latala, yonge pee kala pepolo doko lyokao nyepala, baanya pingi dupa pyakamaiyami. Dopa petala, baa pyao yukulanya laminao kamaka peami.

Luku 16:18

“Akali mendeme baanya enda doko yakinatala, waka mende nyilya dokome baa kepo kolenge. Akali mendenya enda yakinatae mende akali mendeme nyilya dokome baa kepoaka kolengena” lea.

Luku 16:20

Akali tipya Lasarusa lenge, amungimi tete-tete pipae mende koteaka lao, yuunya kamongo dokonya lome kambu dokonya pituu sepa pilyamopa,