Luku 16:16 - Enga Niu Tesamene

¹⁶ “Mosesanya loo dupapi, propeta dupanya pii dupapi, dupa lamaiyoo pao, Jone kateamo gii dokonya tuu leami. Jone kateamo gii dokonya pituu, Gotenya kingdom dokonya wai pii epe doko lamaiminopa, endakali dupa pitakame kyeto joo Gotenya kingdom dokonya kolandelyamino.

Luku 16:16 Referans Kwoze

Jone 1:45

Pilipame Nataniele kandao nyepala baa lamaiyoo, “Mosesanya loo bukupi, propeta dupame pepa piamipi, dupanya akali mende ipatana lao pepa pyapae singi akali doko naimame kanjemano. Akali doko baa Nasarete tange Josepe ikiningi Jisasa dokona” lea.

Luku 16:31

Dokopa Abraameme baa lamaiyoo, ‘Mosesapi, propetapi dupanya pii dupa nasetamino doko, akali mende malunya sakatatamopapi, dokaitanya masingi doko aloo napitamiakana’ leana” lea.

Matyu 3:2

“Kingdom kaiti-kisa singi doko tengesa ipatelyamona, nyakama mona kapilyalapa” lea.

Aposole 3:18

Dopaka doko, Kraisa doko tanda andake nyetana lao, wamba-waka Goteme baanya propeta dupa pitaka-kisa lealiaka pyoo angi jina lea.

Luku 16:29

Dopa leamopa Abraameme baa lamaiyoo, ‘Mosesapi, propetapi dupanya pii pepa pyapae singi dupa silyamona, embanya kaiminingi dutupame pii dupa sepengena’ lea.

Luku 10:11

‘Nyakamanya taono dakenya-tae naimanya mokonya yuu katapya dupa kunao nepelyamano dokome, nyakama-kisa tenge silyamona lao panasilyamano. Dopaka doko, pii dake auu pyoo masalapape: Gotenya kingdom doko nyakama-kisa tengesa ipatelyamona’ lapape.

Luku 10:9

Yuu dokonya endakali yaina pyapae dupa nyakamame mee jakamaiyepape. Dopa petala dokaita lamaiyoo, ‘Gotenya kingdom doko nyakama-kisa tengesa ipatelyamona’ lapape.

Matyu 4:17

Gii dokonya pituu, Jisasame tee pyao endakali dupa pii lamaiyoo, “Kingdom kaiti-kisa singi doko tengesa ipatelyamona, nyakama mona kapilyalapa” lao katea.

Luku 9:2

Maitala Gotenya kingdom dokonya lao pii lamaiyoo, yaina pyapae dupa mee jakamaiyoo pina lao pena lea.

Make 1:14

Jone kaimbu pingi doko anjeteaminopa, Jisasa baa Galali pupala, Gotenya kingdom dokonya lao wai pii epe doko lamaiyoo,

Matyu 10:7

Pao pituu, ‘Kingdom kaiti-kisa singi doko tengesa ipatelyamona’ lao nyakamame lamaiyepape.

Jone 12:19

Dokopa Parasi dupame nyakama-lapo laloo pyoo, “Isa yuu dakenya endakali dupa pitakame baa watao pelyamino kanjepa. Naimame baa yanda pimaiyoo kalai pilyamano dupa dii namandelyamona” leami.

Jone 11:48

Baame dopaka pyoo katena kaeyatamano doko, endakali pitakame baa tungi pyalamino. Dopa pitaminopa, Roma tange amii dupa ipupala, naimanya panda dake kaluu nepao, naima tata dupa pyao koeyasoo pitamina” leami.

Make 1:45

Dopa leaka doko akali doko pupala, pia dupa pitaka tee pyao lao taeya. Dopa pia dokonya, Jisasa siti mendenya panao pupenge nanjiamosa, endakali napalenge yuu dupanya katea. Kateamopa, endakali dupa yuu dupa pitakanya katao baa katea dokonya epeami.

Matyu 4:23

Jisasame Galali yuu doko pitakanya paeyao, dokaitanya lotuu anda dupanya mana lamaita, kingdom kaiti-kisa singi dokonya lao wai pii epe doko lamaita pia. Dokopa endakali yaina tata waka-waka dupame pyapae dupa pitaka baame mee jeta pyakamaiya.

Matyu 15:11

Endakali mendenya nenge-kaita dopale mende penge dokome baa kaimala pisala naenge. Endakali mendenya nenge-kaita dopale mende pyakalyilya dokome baa kaimala pisingina” lea.

Jone 5:4

Gotenya enjele mende ipupala endaki doko minako pilyamopa, buli pilyali pyoo, yaina pyapae dupanya mende, wambao endaki pete dokonya pyakanelya dokonya yaina doko mee jakamaingi.