Luku 16:14 - Enga Niu Tesamene

¹⁴ Parasi dupa muni putiti kaengema dokonyana, Jisasame pii lea dutupa pitaka sepala, baa lamba lao gii kaeyami.

Luku 16:14 Referans Kwoze

Luku 23:35

Gii dokopa, Juumanya isingi akalipi, endakali kandatae kateamipi, dupame Jisasa lamba lao, “Baame endakali waka dupa pyoo nyipyana, baa Gotenya yapao nyepae Kraisa-tamo doko, baa tange pyoo nyina kae” leami.

Luku 20:47

Dokaitame enda walyakae dupa minakasetala, yuu andapi dupa nyingima. Endakali waka dupame dokaita epena lao masina latala, loma londe pyoo singima. Akali dupa-kisa tenge setatamopa, dupa tanda etete andake nyetamina” lea.

Luku 12:15

Dopa latala Jisasame endakali dokaita lamaiyoo, “Endakali mendenya lete katenge doko baanya oapi longo setenge dopale daa. Dopana, popaita pingi mana dokome nyakama koeyasetana, kandao kalyepape” lea.

Ibru 11:36

Dopa piaminopa, endakali yangi dupa lamba leamipi, konjame piamipi piami. Endakali yangi dupa sene kendeme anjetala, anjetae palenge anda dokonya palena lao pyandeami.

2 Timoti 3:2

Endakali dupame nyakama tange iki auu kaeyapala, muni putiti kaeyao, tange kenge minalyoo, endakali waka dupa kilya kandao, lao nepao, endangi takangepanya pii nepakamaiyoo, yaka pilyino laanya masala naeyao, Gote wata-minala naeyao,

Matyu 23:13

“Mosesanya loo mana nyepaepi, Parasipi, nyakama mana tolatae miningi manemane pingima dupa koeyatami. Nyakamame enda walyakae dupa minakasetala, yuu andapi dupa nyingima. Endakali waka dupame nyakama epena lao masina latala, loma londe pyoo singima. Tenge dokonya, nyakama kenda etete andake nyetami.

Matyu 9:24

Ee leaminopa baame dokaita lamaiyoo, “Wanaku doko kumala naeyalamo. Baa luu palelyamona, nyakama pupa” lea. Dopa leamopa, endakali dupame baa lamba lao gii kaeyami.