Luku 16:13 - Enga Niu Tesamene

¹³ Kalai akali mendeme kamongo lapomanya kalai pyakamaiya naeyapenge. Lapomanya kalai pyakamaitamo doko, baame mende doko maka kaeyapala, mende doko auu kaeyata. Daa-tamo doko, mende doko mona setapala, mende doko maka kaeyata. Dopana, nyakamame Gotepa, munipa dolapo lapotanya kalai pyakamaiya naeyapengena” lea.

Luku 16:13 Referans Kwoze

Matyu 6:24

“Endakali mendeme kamongo lapomanya kalai pyakamaiya naeyapenge. Lapomanya kalai pyakamaitamo doko, baame mende doko maka kaeyapala, mende doko auu kaeyata. Daa-tamo doko, mende doko mona setapala, mende doko maka kaeyata. Dopana, nyakamame Gotepa, munipa dolapo lapotanya kalai pyakamaiya naeyapengena” lea.

Luku 14:26

“Akali mende namba katato dokonya ipupala, baanya endangi takangepa, enda wanepi, kaiminingi pimalengepi, baanya lete katengepi, dupa maita maiya naeyatamo doko, baa kapa pao nambanya disaipolo nakatata.

Jemesa 4:4

Yuu dakenya silyamo dupanya mona setenge dokome Gote yanda pimaingi-lamo lao, nyakama Gote yakinenge endakali dupame kanja naelyamipi? Endakali mendeme yuu dakenya silyamo dupanya mona setatoo lao masetamo doko, baa tange Gotenya yandapipi jingi.

Luku 11:23

Namba nisala naenge endakali dokome namba yanda pingingi. Namba-pipa kambu pyala naenge endakali dokome endakali dupa tale pisingina” lea.

Luku 16:9

Nambame nyakama langilyo: Nyakama kumataminopa, endakali kaita minao nyetami dupame sele anda kataowaka katenge dupanya nyakama lanyetamina, muni koo dupame endakali kaita minao nyalapape.

Matyu 4:10

Dopa leamopa Jisasame baa lamaiyoo, “Gotenya pii dokonya dapa lao pepa pyapae silyamo: ‘Embanya Kamongo Gote doko embame mambo pyao, baanya iki kalai pyakamaiyoo katape’ lapae silyamona, Satane, embame namba yakinatala puu” lea.

Luku 9:50

Dopa leamopa Jisasame baa lamaiyoo, “Nyakamame baa kaena nalalapape. Naima yanda pingyala naenge endakali dokome naima nisingina” lea.

Luku 16:12

Nyakamame endakali waka mendenya oapi dupa isakalapape latali pyoo isakamaiya naeyatamino doko, oapi nyakamanya latae dupa apimi nyakama dita?