Luku 16:11 - Enga Niu Tesamene

¹¹ Nyakamame yuunya muni dupa isalapape leali pyoo isala naeyatamino doko, muni angi dupa apimi isalapale lao dita?

Luku 16:11 Referans Kwoze

Luku 12:33

Nyakamanya oapi dupa salimi latala, endakali daa jepae dupa maiyepape. Dopa pitami dokome, nyakamanya munipi, oapi epepi, etala naenge dupa nuu atingi jala naeyata mendenya mandipala kaiti-kisa setataminosa pita. Yuu dokonya pake nenge mende tengesa naepenge. Dupa neneme nao koeyasala naengeaka.

Jemesa 2:5

Nambanya mona setenge kaimii paluma, nyakamame salapape. Yuunya tipya joo katenge endakali dupa Jisasa tungi pingi dokonya kamongo joo katataminopa lao Goteme yapao nyia. Gote auu kaenge endakali dupa baanya kingdom etete maitona leamo doko nyetaminopa latala yapao nyia.

Epesusa 3:8

Endakali Gotenya latae dupa pitakanya namba etete anasale joo katenge. Dopaka doko, Kraisanya etete epe, kandao etala naeyapenge dupanya lao, akali tata waka dupa wai pii epe doko lamaiyale lao, Goteme namba kondo kaeya.

Luku 18:22

Dopa leamopa Jisasame sepala akali doko lamaiyoo, “Emba mendai mende daa jilyamona, embanya oapi dupa pitaka salimi latala, endakali daa jepae dupa mokosoo maipi. Dopa pitinopa oapi epe dupa embanya kaiti-kisa sakata. Dopana, emba namba watao ipu” lea.

Luku 16:9

Nambame nyakama langilyo: Nyakama kumataminopa, endakali kaita minao nyetami dupame sele anda kataowaka katenge dupanya nyakama lanyetamina, muni koo dupame endakali kaita minao nyalapape.

Revelesene 3:18

Dopa pipae kalyona lao masala naelyeno dokonya, nambame emba dapa langilyo: Emba kamongo kalyale, namba-kisa golo itateme yangao wasepae dupa sambao nyepe. Emba yonge papata katao elya kaelyeno doko endakali dupame nakandena lao yame pyatale, namba-kisa yonge pee kyeo lapae dupa sambao nyepe. Embanya lenge dolaponya matasini katatenopa auu pyoo kanjale, namba-kisa lenge matasini dupa sambao nyepeaka.

Matyu 6:24

“Endakali mendeme kamongo lapomanya kalai pyakamaiya naeyapenge. Lapomanya kalai pyakamaitamo doko, baame mende doko maka kaeyapala, mende doko auu kaeyata. Daa-tamo doko, mende doko mona setapala, mende doko maka kaeyata. Dopana, nyakamame Gotepa, munipa dolapo lapotanya kalai pyakamaiya naeyapengena” lea.

Luku 16:12

Nyakamame endakali waka mendenya oapi dupa isakalapape latali pyoo isakamaiya naeyatamino doko, oapi nyakamanya latae dupa apimi nyakama dita?