Luku 15:32 - Enga Niu Tesamene

³² Embanya kaiminingi kumiamoaka doko indupa saka kalyamo. Baa alu piamoaka doko indupa kandao nyepelyo. Tenge dokonya mona yaepao auu kaeyapae nyepenge jipyanya nyilyamanona’ leana” lea.

Luku 15:32 Referans Kwoze

Roma 3:4

Daa, dopa napiami! Endakali dupa pitakame sambo lengemaka doko, Goteme kiningi lenge. Dokonya pii mende dapa lao pepa pyapae silyamo: “Endakali mendeme Gote emba kotimi latamo doko, embame tolao lengena lao panena latala ita minatena” lapae silyamo.

Roma 3:19

Mosesanya loo dupanya pii pepa pyapae silyamo dupa Mosesanya loo dupanya pundipundi katenge endakali dupanya lao pyapae silyamona lao naimame masilyamano. Tenge dokonya, Goteme endakali dupa pitaka yapao pituu, koo piami dupa aipuma piamipi lao tipa pitamopa, endakali dupa pitakame aipa lamape lao masala naeyapala nenge-kaita piti pitami.

Luku 7:34

Indupa Akalinya Ikiningi doko ipupala bretapi, waenepi dupa namupa, nyakamame lao pituu, ‘Akali dake bretapi, waenepi dupa tiaka nakaeyao nao katao, koo pingipi, takisa nyingipi dupa kaita minao kalyamona’ lelyamino.

Luku 15:31

Dokopa takangeme baa lamaiyoo, ‘Apea, emba nambapa koteaka lao tole katenge. Nambanya oapi dupa pitaka embanyaka silyamo.

Roma 11:15

Goteme Israele dupa yakinao kaeyamo dokonya-kaita, isa yuu dakenya akali tata dupa pitaka baa-pipa nyoo pyasia. Dopa pia-tamo doko, Goteme Israele dupa auu kaeyao lanyetamopa aipa pita? Dokaita malunya sakatatala lete katatami.

Matyu 18:11

Aipumape, Akalinya Ikiningi dokome endakali alu petae dupa pyoo nyalanya epea.