Luku 15:28 - Enga Niu Tesamene

²⁸ Dokopa wane mupa doko imbu kaeyapala andakote napatoo lao masia. Dopa lao masiamosa, baanya takange doko kamaka pyakalyetala, baa andakote epena lao pii andiki pyoo lamaiya.

Luku 15:28 Referans Kwoze

Luku 15:2

Dopa piaminopa Parasipi, Mosesanya loo mana nyepaepi, dupame mumu lao, “Akali dakeme endakali koo pingi dupa yaka ipaminona lao lanyetapu, dupa-pipa nee nao pilyamona” leami.

Luku 7:39

Dopa pia doko Jisasa epena lea Parasi dokome kandatala masoo pituu, “Enda doko koo pingina, akali dake kiningi propeta-pyali doko, baa watandelyamo enda doko dopalena lao baame kandapyalina” lao masia.

Aposole 14:2

Dopaka doko, tuu pyoo Jisasa tungi napiami Juu dupame Polopa Banabasapame sambo mana lelyambinona lao akali tata waka dupa ingi tuu lasiami.

Aposole 13:45

Kambu piamino kandatala, Juu dupame Polo-pipa etete tilya nyepala, baame pii lea dupanya pii yanda pimaiyoo lao nepeami.

Luku 24:47

Baanya kenge dokonya koo dupa kunao nepena lao mona kapilyingi mana doko, Jerusalema katao tee pyao lamaitala, akali tata dupa pitaka lamaiyoo patana lao pepa pyapae silyamoaka.

Luku 13:34

O Jerusalema, Jerusalema! Embanya endakali dupame propeta dupa pyao kumasoo, epena latae endakali dupa kaname pyao kumasoaka katengema. Nambame embanya wane dupa nyoo kambu pyatala, yaka matakaiyame ŋaŋa dupa papa pundipundi yapu nengeli pitoo lao, paa longosa masiopa, dupame tanga leami.

Luku 5:30

Peteaminopa, Mosesanya loo mana nyepaepi, Parasipi dupame mumu lao Jisasanya disaipolo dupa lamaiyoo, “Nyakama aipuma takisa nyingipi, koo pingipi dupa-pipa nee endakipi nao pilyamipi?” leami.

Matyu 20:11

Dopa pyoo nyepala, dokaitame ee tange doko mumu leami.

1 Tesalonaika 2:16

Goteme akali tata waka dupa pyoo nyina lao, naimame pii lamaiya naeyalapale latala, Juu dupame kaita lyokengema. Dopa pilyami dokome koteaka lao koo pilyami dupa pyoo tumbasingima. Dopaka doko, indupa etao gii dakepa Gotenya imbu kaenge doko dokaita-kisa ipatelyamo.

2 Korina 5:20

Dopana, naima Kraisanya kambu alo pyoo katao, pii kyeto joo lamaingi doko Goteme naima langilyamopa, naimame endakali dupa lamaingi. Kraisanya kenge dokonya naimame endakali dupa kyeto joo lamaiyoo, “Goteme nyakama baa-pipa mendai jisina kaeyalapape” lenge.

Roma 10:19

Israele dupame Gotenya pii doko soo nyala naeyamipi lao nambame tipa pilyo. Gotenya kambu alo pyoo Mosesame Israele dupa dapa lamaiya-pyaa: “Endakali namba tata daa dupa nambame lanyotopa, nyakamame kandatala tilya nyetami. Akali tata kyakaenge masala naenge mende nambame lanyepala nyakama imbu pisotona” lea-pyaa.

Aposole 14:19

Dokopa Juu mendapu Antiokopa, Aikoniamepa katao ipupala, endakali kambu dupa ingi tuu lasiami. Dopa piaminosa, endakali dupame Polo kaname pyapala, baa kumatelyamona lao masetala, pyalya lao siti dokonya kamalyatena pyasiami.

Aposole 13:50

Dopaka doko, Juu dupanya lotuu mana minao Gote mambo pingi endapi, enda kenge singipi, siti dokonya akali aiyomba joo katengemapi, dupa Juu dupame ingi tuu lasetala, Polopa Banabasapa tanda maiyoo koeyasina leami. Dopa lateaminopa, dokaitame dolapo nyakamanya yuu dokonya nakatena lao watao piami.

Make 1:40

Akali kopetali mendeme Jisasa katea dosa ipao luma lakapala, kyeto joo tee lao, “Embame nambanya yaina dake mee jetala, pyoo wasepae kalyale lao maseteno doko, yaina dake mee jakatenopa, namba pyoo wasepae kalyapona” lea.

Luku 15:27

Dopa leamopa kalai akali dokome baa lamaiyoo, ‘Embanya kaiminingi doko ipamo. Baa kenda mende kandao nyala naeyao auu pyoo pilyimupa, embanya takange dokome baa lanyepala, kao ŋaŋa kendatae doko pyao yangakamaiyomona’ lea.

Luku 15:29

Dopaka doko, wane dokome baanya takange dokonya pii yanu pyakamaiyoo, ‘Embanya piipi mende nambame nepala naeyao, ee kana longo embanya kalai pyakao katenge. Dopa pyekelyopa, embame meme ŋaŋa mende nambanya kaita miningi dupa-pipa mona yaepao yangao nalapa lao yuu mendaipi mende nandingi.