Luku 15:19 - Enga Niu Tesamene

¹⁹ Dokonya namba epe daana, indupa pituu namba embanya ikiningina laa naeyatale, namba embanya kalai akali dupanya mende joo kata lape” latoana’ lao masia.

Luku 15:19 Referans Kwoze

Luku 5:8

Pisa etete longo nyiamino dupa kandatala Saimonepi, endakali baa-pipa kateamipi, dupa pitaka pakame kumiami. Saimonenya kalai tole pingimba, Sebedi ikiningi Jemesapa, Jonepa dolapome kandatala pakame kumiambiaka. Dokopa Jisasanya moko setea dosa Saimone Pitame tombauli sepala lao pituu, “Kamongo, namba akali koo pingina, embame namba yakinatala puu” lea. Dopa leamopa Jisasame Saimone lamaiyoo, “Embame pisa nyingili pyoo, indupa pituu endakali nyatalena, emba paka nakaeyape” lea.

1 Pita 5:6

Gii setapae dokonya Goteme nyakamanya kenge dupa minalyakatana lao masetala, baanya kingi kyeto dokonya nyakama pundipundi kalyepape.

1 Korina 15:9

Aposole dupa pitakanya namba etete anasale-waka. Nambame Gotenya siosa doko tanda maiyoo koeyasoo kateo dokonya, endakali dupame namba aposole mendena lena lao kalyanya, namba akali epe mende daa.

Luku 15:18

Dokonya namba sakatatala, nambanya takange kalyamo dokonya pupala baa lamaiyoo, “Apane, embanya enombanyapi, kaiti-kisa katenge dokonya enombanyapi, nambame koeyatapu.

Luku 15:20

Dopa lao masetala, baa sakatatala baanya takange doko katea dokonya pea. Baa kuki omosale epeamopa, baanya takangeme kandatala kondo kaeya. Kondo kaeyapala, baa alo pyao pao wane doko mangenya kopinyetala nunu pia.