Luku 15:15 - Enga Niu Tesamene

¹⁵ Daa jiamosa, yuu dokonya tange akali mendenya kendemane katatoo lao pea. Pateamopa akali yuu dokonya tange dokome baanya mena dupa nee maiyoo kalya pena lea.

Luku 15:15 Referans Kwoze

Taitusa 3:3

Wamba naima apata kyakaenge katapala, Gotenya pii doko tanga lao kateama. Dopa pyoo kateamano dokome, yongenya auu kaengepi, koo tata-tata dupa pyoani kaengepi, dupame naima minakasetala kakopai nyia. Dopa piamopa, naimame mana koo minao, endakali tilya nyoo, mende imbu kae-kae pyoo kateama.

Roma 6:22

Dopaka doko, koo pingi mana dupanya Goteme nyakama mokao nyepea-pyaa. Tenge dokonya, indupa nyakama Gotenya kendemane kalyamino. Goteme nyakama baanya latae jisetamopa, nyakama lete etete katenge doko nyetami.

Luku 15:13

Yuu gii kuki pateamopa, wane kole dokome baanya muni oapipi dupa pitaka nyoo, yuu londati mendenya pao katea. Dokonya katao baanya muni oapipi dupa luiyao pyoo nepea.

Matyu 7:6

“Nyakamame Gotenya latae dupa yana namaiyepape. Maitamino doko, yana dupame kapilyetala nyakama nao titi pyao nepatami. Nyakamanya mamaku epe dupa mena katatami dokonya pyale nalalapape. Pyale latamino doko, mena dupame moko katao longao nepatamina” lea.

Luku 15:14

Baanya muni oapipi dupa pitaka pyoo nepao etapeamopa, baa katea yuu dokonya lopo andake mende sia. Dopa piamopa baa tee pyao daa jia.

Luku 15:16

Nee maiyoo kateamopa, mename tupaita imbu neami dupa baa nao tiaka kaeyapu laka lao masiamopa, mendeme baa nee namaiyami.