Luku 15:10 - Enga Niu Tesamene

¹⁰ Dopaka pyoo, endakali koo pingi mendai mona kapilyilyamopa, Gotenya enjele dupame auu kaeyapae andake nyingimana lao nambame nyakama langilyona” lea.

Luku 15:10 Referans Kwoze

Luku 15:7

Dopaka pyoo, endakali tolatae, dee mona kapilyala naeyapenge 99 dutupa kalyaminopa, kaiti-kisa auu kaeyapae singiaka doko, endakali koo pingi mendai mona kapilyilyamopa, kaiti-kisa auu kaeyapae andake mende singina lao nambame nyakama langilyona” lea.

2 Korina 7:10

Goteme mona kenda kaeyamili lao masingili pyoo mona kenda kaenge dokome, naima mona kapilyetala pyoo nyepae kalyepale lao katasilyamopa, naima mona kapilyala naeyama naenya lao masingi doko naima-kisa naepenge. Dopaka doko, yuunya endakali dupanya mona kenda kaenge dokome kumingi doko mandenge.

Luku 13:5

Daa, dopa napiana, nyakama mona kapilyala naeyatamino doko, endakali dokaita kumao alu piaminoli pyoo, nyakama apata alu pitamiakana lao nambame nyakama langilyona” lea.

Matyu 18:14

Dopaka pyoo, nyakamanya Takange kaiti-kisa katenge dokome wane koo datupanya mende alu napipya laka lao masingina” lea.

Ibru 1:14

Enjele dupa pitaka Gotenya kalai pyakamaingi spirita mendapu. Dupame Gotenya kalai pyakamaiyoo, Goteme pyoo nyepenge endakali dupa nisoo kalya pena lenge.

Aposole 11:18

Dopa leamo sepala dokaitame pii mende lapenge nanjiamosa, Gote mambo pyao pituu, “Akali tata waka dupa mona kapilyetala, lete katenge doko nyina lao, Goteme kaitini mende setapya-lumuna” leami.

Luku 7:47

Tenge dokonya nambame emba langilyo: Enda dakenya koo longo dupa kunao nepatae pilyamo dokonya, baa auu andake kaelyamo. Dopaka doko, endakali mendenya koo kuki kunao nepatae kalyamo dokome kukiaka auu kaengena” lea.

Matyu 18:10

“Wane koo datupanya enjele dupame koteaka lao nambanya Takange kaiti-kisa katenge dokonya enomba kandengemana, nyakamame dupanya mendaipi mende kandanya palyala naeyalapape lao nambame nyakama langilyo.

Pilemone 1:15

Onesimusame emba yakinatala, gii kuki mendatupa waka katea. Dopa pia dokome, embame baa pilyoo lanyetenopa, nyakamba tole etete katatambinopa lao pia.

Aposole 5:19

Dopa peteaminopa, kuakama Kamongonya enjele mende ipupala, anjetae palenge anda dokonya kaita dupa lumbapala, aposole dupa laminao kamaka pyakalyia. Laminao pyakalyetala dokaita lamaiyoo,

Matyu 10:32

“Endakali mendeme baa namba tatana lao, endakali waka dupanya enombanya lao panatamo doko, baa namba tatakana lao, nambanya Takange kaiti-kisa katenge dokonya enombanya nambame lao panatoaka.

Luku 12:8

“Nambame nyakama langilyo: Endakali mendeme baa namba tatana lao, endakali waka dupanya enombanya lao panatamo doko, Akalinya Ikiningi dokome akali doko baa tatana lao, Gotenya enjele dupanya enombanya lao panataka.

Luku 12:9

Dopaka doko, endakali mendeme baa namba tata daana lao, endakali waka dupanya enombanya latamo doko, Akalinya Ikiningi dokome akali doko baa tata daakana lao, Gotenya enjele dupanya enombanya lataka.

Luku 15:9

Kutao nyepala, baanya kaita miningipi, patali makepi, dupa epena latala lamaiyoo, ‘Nambanya silipa muni mende alu pipumu doko kutapala kandao nyepelyona, nyakama namba-pipa eteke pyao katamana’ lata.

Luku 15:11

Dokopa Jisasame lao pituu, “Akali mendenya wane ane lapoma mandenge.