Luku 14:24 - Enga Niu Tesamene

²⁴ Akali nee nala epena lapupa naipamino dupanya mendaipi mendeme nambanya nee andake dakenya nao sala naeyatana lao nambame nyakama langilyona’ leana” Jisasame lea. Dopa latala Jisasame lao pituu, “Goteme endakali longo epena lengeaka doko, baame endakali kuki yapao nyingina” lea.

Luku 14:24 Referans Kwoze

Matyu 21:43

Nambame nyakama langilyo: Goteme baanya kingdom doko nyakamame isakala naeyalapale lao daa latala, kingdom dokonya dii mandena lao kalai pitami akali tata mendeme isoo katekena lao maita.

Aposole 13:46

Dopaka doko, Polopa Banabasapame paka nakaeyao dokaita lamaiyoo, “Gotenya pii doko akali tata waka dupa maita-pyao lamaiyanya, nyakama Juu dupa wambao langipenge. Dopaka doko, nyakamame pii doko tanga latala nepelyamino dokome, nyakama lete etete katenge doko nanyepengena lelyamino. Dopa lelyamino dokonya, nalimbame akali tata waka dupa lamaiya pelyambano.

Jone 3:36

Gote Ikiningi mendai iki doko tungi pilya endakali dokome lete etete katenge doko nyingi. Dopaka doko, Gote Ikiningi dokonya pii doko nepata endakali dokome lete katenge doko nakandata. Gotenya imbu kaenge doko endakali doko-kisa dopa petae singi.

Matyu 22:8

Dokopa kiŋi dokome baanya kalai akali dupa lamaiyoo, ‘Nambanya nee andake doko depa latae sepelyamoaka doko, nee napenge latae endakali dupa kooma-lamo.

Jone 8:24

Namba akali doko-lamo lao nyakamame masala naeyatamino doko, nyakamanya koo dupanya nyakama kumatami. Tenge dokonya, nyakamanya koo dupanya nyakama kumatamina lao nambame langyona” lea.

Jone 3:19

Goteme endakali dupa-kisa tenge setelyamo doko dake: Tii pipae doko isa yuu dakenya ipao kateamopa, endakali dupanya mana miniami dupa koo dokonyana, iminjetae doko auu kaeyapala tii pipae doko yakineami.

Jone 8:21

Dokopa Jisasame deaka dokaita lamaiyoo, “Nambame nyakama yakinatala pelyo. Namba pelyo dokonya nyakama kapa pao naipatami. Nyakamame namba kutapala, nyakamanya koo dupanya nyakama kumatamina” lea.

Luku 14:23

Dokopa akali andake dokome kalai akali doko lamaiyoo, ‘Nambanya anda dake tumbinana, embame kaitini yalepi, kame kilikili kaitini yakanepi, dupanya endakali kandate dupa pitaka epena lao kyeto joo lamaipi.

Luku 14:25

Endakali kambu andake mendapu Jisasa-pipa peamino dupa baame kandalyetala lamaiyoo,