Luku 14:18 - Enga Niu Tesamene

¹⁸ Dokopa kalai akali dokome pao lamaitiamopa, epena latae endakali dupa pitakame naipamane-lumuna leami. Wambao dokome baa lamaiyoo, ‘Nambanya yuu mende sambapu doko kanja pupengena, namba naipatoana, yatae lelyona’ lea.

Luku 14:18 Referans Kwoze

Luku 18:24

Akali doko mona etete kenda kaeyamo kandatala, Jisasame lao pituu, “Muni longo singi endakali dupa Gotenya kingdom dokonya kolandalanya etete lekeleke tatami.

2 Timoti 4:4

Endakali dupame kyakao, tindi atomepi tenge nakatenge dupa semana lao masetala, kiningi pii doko nasemana lao maita maitami.

Jone 5:40

Dopaka doko, nyakamame namba-kisa lete katenge doko nyala naepenya tuu pilyamino.

Jone 1:11

Baanya yuu dokonya baa epeamopa, baanya tata dupame baa lanyala naeyami.

Luku 8:14

Ee wai yangi lyiki tenge palenge dupanya pao siana lalo dokonya tenge doko dake: Endakali yangimi pii doko singimaka doko, dokaita kaita paeyao, yuu dakenya nee kaengepi, munipi, yongenya auu kaengepi dupanya mona setelyami dokome, dokaita kui pyambatala, dii mandelyami dupa wambu napingi.

Ibru 12:16

Isoame baanya kaiminingi-kisa paa mendai nee napenge mendatupanya baanya moeya nyepenge dutupa salimi lea-pyaa. Dopana, nyakamanya mende kepo kolengepi, Gote yakinengepi, Isoo-yale mende katatamina kandao kalyepape.

Luku 14:17

Nee andake napenge gii doko epeamopa, baanya kalai akali mende pena latala lamaiyoo, ‘Indupa nee dupa pitaka depa latae silyamona, endakali epena latae dupa epena lanyala puu’ lea.

Luku 14:19

Mende dokome lao pituu, ‘Nambanya kao akalita sambapuna, dutupame kalai pina makande pyaa pelyona, namba naipatoana, yatae lelyona’ lea.

Pilipae 3:4

Akali mendapuame yanu kepenge mana doko tungi pyao kalyamino dupa nambame ita minao, yanu kepenge mana doko tungi pyao katapuli.