Luku 13:33 - Enga Niu Tesamene

³³ Propeta mende yuu waka mendenya pyao kumasala naeyapenge, Jerusalemaka pyao kumasepengena, namba Jerusalema paanya indupapi, taitapi, dumapi dutupa kaita pupenge.

Luku 13:33 Referans Kwoze

Luku 9:53

Dopaka doko, Jisasa baa Jerusalema paanya epelyamo lapae sepala, yuu dokonya tange dupame baa auu kaeyao lanyala naeyami.

Matyu 21:11

Dopa leaminopa endakali kambu dupame lao pituu, “Akali dake baa Jisasa. Baa yuu Galali dokonya taono Nasarete tange propeta dokona” leami.

Aposole 13:27

Endakali Jerusalema katengemapi, dupanya isingi akalipi, dupame propeta dupanya pii doko Sambata dii lao itaki pingimaka doko, pii dutupame Jisasa lao lea-lamo lao kanja naeyapala baa kuminana leami. Dopa leami dokome propeta dupanya pii pepa pyapae singi dupa angi jia.

Matyu 20:18

“Salapape! Naima lalyoo Jerusalema pelyamano. Pupala katatamanopa, Akalinya Ikiningi doko prisa mupapi, Mosesanya loo mana nyepaepi, dupanya kinginya maitamopa, dupame baa pyao kumasepengena latami.

Jone 11:54

Dopa piaminosa, Jisasa baa Juu dupanya kainanya dee panao napaeya. Baa yuu doko yakinatala, taono Epraimi lenge mende, endakali napalenge yuu mendepa makisa singi dokonya baanya disaipolo dupa-pipa pupala kateami.

Jone 9:4

Yuu kuilyamopa endakali mendeme kalai napingi. Tii pilyamo dakepa, namba puu lea Akali dokonya kalai dupa nambame yakinala naeyao pyakamaipenge.

Jone 4:34

Dokopa Jisasame dokaita lamaiyoo, “Namba puu lea Akali dokonya masingili pyoo, kalai pyoo etasakamaipenge doko nambanya nee doko.

Aposole 10:38

Pii doko dake: Nasarete tange Jisasa doko Goteme Oli Spiritapa, kyetopa dolapome aiyomba minani petala, Gote baa apata kateambi dokonya, Jisasame yuu dupa pitakanya paeyao kalai epe pyoo, Sataneme kenda pisetae endakali dupa auu pisia doko nyakamame masilyamino.

Jone 12:35

Dopa leaminopa Jisasame dokaita lamaiyoo, “Tii pipae doko nyakama-pipa gii kuki mendatupa iki kalyaminona, iminjingi dokome nyakama ita minatana, tii pipae doko nyakama-pipa kalyamino dokopa, tii pipae dokonya paeyalapape. Endakali mende iminjetaenya paelya dokome, baa anja pelyope lao nakandenge.

Jone 11:9

Dokopa Jisasame yanu pyao, “Yongama pituu alemandi tuu lao, kiloko gii dutupa 12 awa daa kandamuape? Endakali mende kotaka paenge-tamo doko, baa isa yuu dakenya tii pipae dokonya kandao paelyamopa lombapae nasingi.