Luku 13:3 - Enga Niu Tesamene

³ Daa, dopa napiana, nyakama mona kapilyala naeyatamino doko, endakali dokaita kumao alu piaminoli pyoo, nyakama apata alu pitamiakana lao nambame nyakama langilyo.

Luku 13:3 Referans Kwoze

Aposole 3:19

Dopa piana, Goteme nyakamanya koo dupa kunao nepekena, nyakama mona kapilyetala, baa kalyamo dokonya pupape. Dokopa nyakama kyeto nyoo auu kaeyapae kalyepale lao, nyakamanya lao makande lekea Jisasa Kraisa doko epena latamopa, Kamongonya enomba dokonya katao baa ipata.

Matyu 3:2

“Kingdom kaiti-kisa singi doko tengesa ipatelyamona, nyakama mona kapilyalapa” lea.

Luku 13:5

Daa, dopa napiana, nyakama mona kapilyala naeyatamino doko, endakali dokaita kumao alu piaminoli pyoo, nyakama apata alu pitamiakana lao nambame nyakama langilyona” lea.

Matyu 12:45

Dokopa baa ita minao imambu etete koo kalange mendatupa lanyepala, anda dokonya kolandatala katengema. Dokopa, wamba akali doko kopeta katengeaka doko, imambu koo dutupa baa-kisa ipao palelyaminopa, baa eteteaka kopeta katenge. Endakali koo pingi indupa palelyamino dupa-kisa dopaka pitamopa, etete kopeta katatamina” lea.

Luku 24:47

Baanya kenge dokonya koo dupa kunao nepena lao mona kapilyingi mana doko, Jerusalema katao tee pyao lamaitala, akali tata dupa pitaka lamaiyoo patana lao pepa pyapae silyamoaka.

Matyu 22:7

Dopa piami doko kiŋi dokome sepala, baa imbu kaeya. Imbu kaeyapala baanya amii dupa pena leamopa, dupame baanya kalai akali pyao kumasiami endakali dupa pyao kumasetala, dupanya siti doko yangeami.

Luku 13:2

Dokopa Jisasame dokaita lamaiyoo, “Galali tange pyapae kumiamino dutupanya koo piamino dupame Galali tange waka dupanya koo piamino dupa ita miniamosa, kenda doko dokaita-kisa epeana lao masilyamipi?

Luku 13:4

Yuu Siloame dokonya kandao isoo petenge anda ketae doko takyepala, endakali 18 pyambeamo dutupa kumiami. Endakali kumiamino dutupanya koo piamino dupame endakali yangi Jerusalema kateamino dupa pitakanya koo piamino dupa ita miniamosa pyambeana lao nyakamame masilyamipi?