Luku 13:28 - Enga Niu Tesamene

²⁸ Dopa latala Jisasame lao pituu, “Nyakama watao pyata panda dokonya katao kandataminopa, Abraamepi, Aisakepi, Jekopepi, propeta dupa pitakapi, dupa Gotenya kingdom dokonya katatami kandatala, nyakama ee lao, nenge giti-gato lao nao katatami.

Luku 13:28 Referans Kwoze

Matyu 25:30

Dopana, nyakamame kalai akali koo-lamo dake kamalya iminjetae dokonya soo pyale lapa. Panda dokonya endakali dupa ee lao, nenge giti-gato lao nao katatamina’ ” lea.

Matyu 22:13

Dokopa kiŋi dokome baanya kalai akali dupa lamaiyoo, ‘Akali dakenya kingi mokopi dupa yaki petala, baa nyoo kamalya iminjetae dokonya pyale lapa. Panda dokonya endakali dupa ee lao, nenge giti-gato lao nao katatamina’ lea.

Revelesene 21:8

Dopaka doko, paka kaeyapala liki-maliki lenge endakalipi, Gote tungi pyala naengepi, koo pingipi, mana myuku pipae miningipi, endakali pyao kumasingipi, kepo kolengepi, nemango lengepi, gotena lao wasepae dupa lotuu lengepi, sambo lengepi, dupa nyakamanya yuu, kana yuli tao katenge itate andake dokonya katatami. Kana yuli tao katenge itate andake doko lapo pyoo kumingi dokona” lea.

2 Tesalonaika 1:5

Nyakamame dopa pilyamino dokome, Gotenya tolao yapenge mana doko panasimupa, Goteme baanya kingdom dokonya nyakama katapenge doko tolataena lao masilyamo. Tenge dokonya nyakama tanda nyoo kalyamino.

Revelesene 22:15

Endakali yana mona palengepi, nemango lengepi, kepo kolengepi, endakali pyao kumasingipi, gotena lao wasepae dupa lotuu lengepi, sambo mana dupa auu kaeyao miningipi, dupa pitaka Gotenya siti dokonya kamalya katatami.

2 Pita 1:11

Nyakamame mana dutupa wata-minataminopa, naimanya Kamongo, Pyoo Nyingi Jisasa Kraisanya kingdom kataowaka katapenge dokonya nyakama yaka ipaminona latala, mambo pyao lanyeta.

Luku 16:23

Malu peteaminopa, baa endakali kumapae dupa katengema panda dokonya tanda andake nao katea. Dokonya katao kandalyiamopa, Lasarusa baa Abraame katea dosa, londati kateamo kandea.

Luku 14:15

Nee nao tole peteami dupanya mendeme Jisasame pii leamo dupa sepala baa lamaiyoo, “Gotenya kingdom dokonya nee nao pititami endakali dupa pitaka Goteme auu pisetae-lumuna” lea.

Luku 10:15

Nyakama Kapename tange dupa Goteme kaiti-kisa lanyoo patana lao masilyaminoaka doko, baame nyakama watao endakali kumapae dupa katengema panda dokonya pyandatana” lea.

Matyu 24:51

Ipupala akali andake dokome kalai akali koo doko kepapala, mana tolatae miningi manemane pingima dupa katatami panda dokonya katena lata. Panda dokonya endakali dupa ee lao, nenge giti-gato lao nao katatamina” Jisasame lea.

Matyu 13:50

itate popo pyoo tao katenge panda dokonya soo pyandatami. Panda dokonya endakali dupa ee lao, nenge giti-gato lao nao katatamina” lea.

Matyu 13:42

itate popo pyoo tao katenge panda dokonya soo pyandatami. Panda dokonya endakali dupa ee lao, nenge giti-gato lao nao katatami.