Luku 12:35 - Enga Niu Tesamene

³⁵ “Nyakamanya kalai pyaanya yonge pee pingi doko lakao muu pyoo petala, lama dupa tao katena depa latae kalyepape.

Luku 12:35 Referans Kwoze

1 Pita 1:13

Dopana, nyakama masepae epe paliu, mende pitamopa mende pitona lao mona lenge tao kalyepape. Jisasa Kraisa panao ipatamopa, Gotenya kondo kaenge doko nyakama-kisa ipatana lao, kyeto joo nee kaeyao malisoo kalyepape.

Epesusa 6:14

Dopana, nyakamame kiningi pii doko matapu joo petala, mana tolatae doko sangalinya konambi joo petae kyeto joo kalyepape.

Matyu 5:16

Dopaka pyoo, tii pipae nyakama-kisa silyamo doko endakali waka dupame kandena lao kalyepape. Dopa pitaminopa, nyakamanya kalai epe pitami dupa endakali dupame kandatala, nyakamanya Takange kaiti-kisa katenge doko kenge andake maitamina” lea.

Matyu 25:1

Jisasame lao pituu, “Kingdom kaiti-kisa singi doko dapale: Gii mendepa akali mendeme baanya enda watapae pyala ipatoo lateamopa, wanaku mapukae akalita mendatupame nyakamanya lama dupa minao baa kandanyemana latala peami.

Luku 12:36

Akali andake mende, enda watapae pyatami mendenya katao ipupala, anda kaita gata-gata latamopa, yapa lumbao nyalanya kalai akali mendapu depa latae katengemali pyoo nyakama depa latae kalyepape.