Luku 12:28 - Enga Niu Tesamene

²⁸ Palao taita kepao yangapenge, indupa dii pilyamo dupa Goteme yati pisingi. Dopa pingina, yongenya pipenge dupa Goteme nyakama ditana, aipuma nyakamame baa kuki tungi pilyami?

Luku 12:28 Referans Kwoze

Matyu 14:31

Dopa lalu piamopa, Jisasame yapa kingi pyale latala, Pita kii minao nyokonyetala baa lamaiyoo, “Embame aipuma namba kuki tungi pyatala, mona lapo palelyepe?” lea.

Matyu 17:20

Dopa leaminopa Jisasame dokaita lamaiyoo, “Nyakamame Gote tungi napilyamino dokonya, imambu koo doko kapa pao watao pyala naeyalamino. Nambame nyakama kiningi langilyo: Nyakamanya Gote tungi pingi doko yakane masete dii dopalepi mende-pyali doko, nyakamame yuu manda dake lamaiyoo, ‘Emba asa pituu omosa puu’ laminopa, lamiliaka pipyali. Dokopa nyakamame dopale mende pyaanya kokala naeyamili.

Matyu 6:30

Palao taita kepao yangapenge, indupa dii pilyamo dupa Goteme yati pisingi. Dopa pingina, yongenya pipenge dupa Goteme nyakama ditana, aipuma nyakamame baa kuki tungi pilyami?

1 Pita 1:24

Pii mende dapa lao pepa pyapae silyamo: “Endakali dupa pitaka palao ita joo kalyamino. Endakali dupanya kenge andake dupa palao dii pilyamo dopale. Palao ita dupa sapuilyamopa, dii pilya dupa isa kopo lenge.

Luku 8:25

Dokopa Jisasame dokaita lamaiyoo, “Nyakamanya Gote tungi pingi doko aipa pyaape?” lea. Dokopa dokaita paka kaeyao walu latala, nyakama-lapo laloo pyoo, “Endakipa, poopa dolapome mende pina lelyamopa, baanya pii sakamaingimba-lamo doko, akali dake api laa-kanjemape?” leami.

Matyu 17:17

Dopa leamopa Jisasame yanu pyao, “Nyakama mana epe minala naeyao, Gote tungi pyala naeyaowaka pingima dupa, namba nyakama-pipa katao pao gii andukupa yakinato? Nyakama nongo pilyamino doko andukupa tolataminopa lao nambame malisoo katao? Wane doko laminao asa ipupa” lea.

Matyu 16:8

Dopa leamino doko Jisasame kandatala dokaita lamaiyoo, “Nyakama Gote kuki tungi pingima dupame, aipuma breta nyoo naipamanona lao nyakama-lapo lelyami?

Matyu 8:26

Dopa leaminopa Jisasame dokaita lamaiyoo, “Nyakama Gote kuki tungi pingima dupa, aipuma paka kaelyamipi?” lea. Dopa latala baa sakatatala, poo dokopa, endaki buli pia dokopa, dolapo kaena leamopa, kuki emapi mende napiambi.

Ibru 6:7

Endakali dupame yuu mende amapala ee wai pokelyami dokonya, paa longosa aiyuu ipao landa pilyamopa, ee wai pokatae dupa langa latala, pokelyami endakali dupa nena lao dii mandenge. Dopa pingi yuu doko Goteme auu pisingi.