Luku 12:24 - Enga Niu Tesamene

²⁴ Nyakamame yaka lakepame dupa masalapape. Dupame ee pokala naengema. Dupame nee mandyoo setala naengemaka. Dupanya nee setenge andapi, pandapi mende nasingi. Dopaka doko, Goteme dupa nee maingi. Nyakamame yaka dupa etete ita minao kalya naelyamipi?

Luku 12:24 Referans Kwoze

Matyu 10:31

Dopana, yaka pimbinakae longo dupa nyakamame ita minao kalyaminona, paka nakaeyalapape” lea.

Luku 12:7

Dopaleaka joo, nyakamanya aiyomba iti dupa pitaka mendai-mendai lao Goteme itaki pyapae. Dopana, yaka pimbinakae longo dupa nyakamame ita minao kalyaminona, paka nakaeyalapape” lea.

Make 6:26

Dopa leamopa kiŋi doko etete mona kenda kaeyaka doko, endakali apata nee nao peteami dupanya enombanya, baanya pii dupa kyeto tasalanya Gotenya kenge doko latala, wanaku doko maitoana lea doko masetala, baanya pii doko aloo napitoo lao masia.

Matyu 3:12

Baanya yapenge sapolo doko kingimi minao epelyamo. Dokome wita angipi, imbupi pyasoo silyamo dupa yapatala, angi dupa nyoo setenge anda dokonya setapala, imbu dupa itate tao konjala naenge dokonya yangatana” lea.

Matyu 6:26

Nyakamame yaka ketae paenge dupa kanjepape. Dupame ee pokala naengema. Dupame nee mandyoo setenge anda dupanya nee nyoo setala naengemaka. Dopaka doko, nyakamanya Takange kaiti-kisa katenge dokome dupa nee maingi. Nyakamame yaka dupa ita minao kalya naelyamipi?

Luku 12:18

Dopa lao masetala baame lao pituu, ‘Nambame dapa pitoo: Nambanya nee setenge anda dupa lakyepala andake pyoo pitoo. Dopa petala nambanya witapi, oapi epepi dupa pitaka nyoo dokonya setato.

Luku 12:23

Lete katenge doko nee nenge dopale daa. Yonge doko yonge pee pingi dopale daaka.