Luku 12:22 - Enga Niu Tesamene

²² Dopa latala Jisasame baanya disaipolo dupa lamaiyoo, “Tenge dokonya nambame nyakama dapa langilyo: Nyakama auu pyoo katamana lao masetala, nyakamame nee anja-tae namanape, yonge pee anja-tae pimanape lao masepae longo nyala naeyalapape.

Luku 12:22 Referans Kwoze

Pilipae 4:6

Dopale mendenya nyakama mona andala naenya, Gote yaka pilyino lao, tee lao loma soo kalyepape.

Ibru 13:5

Goteme lao pituu, “Nambame tanga-tangapi emba yakinatala maita dyaa naeyatona” lea-pyaana, nyakamame muni putiti nakaenya, nyakama-kisa seta dutupa yakana lao masalapape.

1 Korina 7:32

Yuu dakenya auu pyoo katapenge dupanya nyakamame masetae soo kalya naeyami laka lao nambame masilyo. Akali enda napetenge dupame Kamongonya kalai dokonya masetae soo pingima. Kamongome auu kaengeli pyoo dupame kalai pyakamaimana lao masingima.

Luku 12:29

Nyakama neepi, endakipi dupa anja-tae namanape lao kutala naeyao, masepae longo nyala naeyaowaka kalyepape.

Luku 12:11

Endakali dupame nyakama laminao lotuu andapi, isingi akalipi, gapomanepi dupanya pataminopa, nyakama tange kame pinyoo pii aipa lamanape, pii aki lamanape lao masepae longo nyala naeyalapape.

Luku 12:23

Lete katenge doko nee nenge dopale daa. Yonge doko yonge pee pingi dopale daaka.