Luku 12:19 - Enga Niu Tesamene

¹⁹ Setapala nambanya imambu doko lamaiyoo, “Oapi longo setekelyo dupa ee kana longonya soaka pata. Dopana, emba koto nyoo, nee endakipi nao, eteke pyao katape” lamaitona’ lea.

Luku 12:19 Referans Kwoze

1 Korina 15:32

Epesusa dokonya endakali mena yanapi kapu jepae dupa-pipa nambame yanda pio doko, endakali kumapae dupa malunya sakatasala naeyatana lao masetala, yuunya endakali dupanya masepae mendeme pioli doko, dokonya nambame yole aki mende nyioli? Endakali kumapae dupa malunya sakatasala naeyata-pyali doko, naima taita kumapenge dokonya, indupa nee endakipa nao katamana lamuali.

Jemesa 5:5

Nyakamanya oapi epe longo dupanya nyakama tange auu kaeyapae andake nyoo isa yuu dakenya kateami. Dopa piami dokome kao mende pyao yangalanya yale jina lao mondo pingili pyoo, nyakama tange mondo piami.

Pilipae 3:19

Endakali dokaitanya nee namu laka lao masingi doko gote joo wata-miningima. Dokaitanya masingi dupa yuunya singi dupanya iki pena lao katao, elya pipae mana dupa minalanya auu kaeyao katengema. Dopa pingima endakali dupa koeyatami.

Revelesene 18:7

Baame yongenya koo pyoani kaeyamo dupa pyoo pituu, baa tange kenge minalyoo, ‘Namba kuini enda pilyo. Walyakae napilyona, mona kenda pisoo ee lasingi mende nakandatona’ lao baanya moname masingi. Dopa lao masingina, nyakamame baa tanda maiyoo ee lasalapape.

1 Pita 4:3

Endapi akalipi nyelenyele paengepi, yongenya koo pyoani kaengepi, waene longo lao nao kyakengepi, bia nao kyakao mana koo miningipi, gotena lao wasepae lotuu laa naeyapenge dupa lotuu lengepi, mana dopale dupa endakali kamalya katenge dupame miningima. Mana dopale dupa naimame gii nepao yaka minateama.

2 Timoti 3:4

endakali dupa enge nyoo, tanga pita dupa masala naeyao mana koo minao, alyasale joo kalyamanona lao masoo, Gote auu nakaenya yongenya auu kaenge dupa iki wata-minao katatami.

1 Timoti 6:17

Indupa gii dakepa, yuunya kamongo dupame nyakama alyasale joo kalyamanona lao masetala, muni pinjupi yapa alu pipenge dupa tungi napinya, naima auu kaeyalapale lao longo lao dyoo kataowaka katenge Gote doko tungi pina lao lamaipi.

1 Timoti 5:6

Dopaka doko, baanya masingili pyoo, yongenya auu kaenge dupa pingi enda walyakae doko baa kumapae joo petenge.

Luku 21:34

“Yuu dakenya endakali palelyamino dupa pitaka-kisa gii doko ipata. Dopa pitana, yongenya koo pyoani kaengepi, bia nao kyakengepi, yuu dakenya nee kaeyapae singipi, dupanya-kaita nyakama isa pyakataminopa, kone makatae lokalyingili pyoo, gii doko nyakama-kisa lee mendai ipatana, kandao kalyepape.

Luku 16:19

“Akali yuunya kamongo mendeme yonge pee kala pepolopi, lapalapa kyeo lapae epepi, dupa pyoo katao, koteaka lao nee etete epe dupa nao katea.

Luku 12:18

Dopa lao masetala baame lao pituu, ‘Nambame dapa pitoo: Nambanya nee setenge anda dupa lakyepala andake pyoo pitoo. Dopa petala nambanya witapi, oapi epepi dupa pitaka nyoo dokonya setato.