Luku 12:17 - Enga Niu Tesamene

¹⁷ Andeamopa baanya moname masoo pituu, ‘Nambanya nee mandyoo setapenge panda mende nasilyamo dokonya, nambame aipa pitoape?’ lao masia.

Luku 12:17 Referans Kwoze

Matyu 5:42

Endakali mendeme emba-kisa dopale mende tee latamopa, embame maipi. Endakali mendeme emba-kisa yanu tee latamopa, embame daa nalape” lea.

1 Jone 3:16

Naima kumapenge dokonya Jisasa baa alo pyoo kumia. Dopa piamo dokome, endakali auu kaenge mana doko dopale-lamo lao naimame kandelyamano. Dopana, naimanya Kristene kaiminingi dupa kumapenge dupanya alo pyoo naima kumapenge.

Roma 12:13

Endakali Gotenya latae dupa dopale mende daa jetamopa nisoo maiyepape. Endakali opone dupa nyoo andaka palyalapape.

Aposole 16:30

Dopa petala baame akali dolapo laminao kamaka pyakalyetala lao pituu, “Anelyapo, Goteme namba pyoo nyina, nambame aipa pyuape?” lea.

Luku 19:17

Dopa leamopa baame kalai akali doko lamaiyoo, ‘Emba kalai akali epe dokome yaka pyekee-lamo! Nambame leoli pyoo embame muni kuki dutupa minao kalai pyekee-lamo dokonya, embame siti akalita isoo katape’ lea.

Luku 18:22

Dopa leamopa Jisasame sepala akali doko lamaiyoo, “Emba mendai mende daa jilyamona, embanya oapi dupa pitaka salimi latala, endakali daa jepae dupa mokosoo maipi. Dopa pitinopa oapi epe dupa embanya kaiti-kisa sakata. Dopana, emba namba watao ipu” lea.

Luku 16:9

Nambame nyakama langilyo: Nyakama kumataminopa, endakali kaita minao nyetami dupame sele anda kataowaka katenge dupanya nyakama lanyetamina, muni koo dupame endakali kaita minao nyalapape.

1 Timoti 6:17

Indupa gii dakepa, yuunya kamongo dupame nyakama alyasale joo kalyamanona lao masetala, muni pinjupi yapa alu pipenge dupa tungi napinya, naima auu kaeyalapale lao longo lao dyoo kataowaka katenge Gote doko tungi pina lao lamaipi.

Aposole 2:37

Pitame pii lea doko siaminopa, pii dokome endakali dupanya monanya pyao miniamosa, dokaitame Pitapi, aposole yangipi dupa lamaiyoo, “Kaimii paluma, naima aipa pimape?” leami.

Luku 16:3

Dopa leamopa isingi akali dokome dapa lao masia: ‘Nambanya akali andake dokome nambanya isingi kalai doko napyale lao namba watalumu. Ee amenge kalai doko pyaanya namba-kisa kyeto nasingi. Nambame mende-kisa tee laanya elya kaengena, nambame aipa pitoo?

Luku 12:33

Nyakamanya oapi dupa salimi latala, endakali daa jepae dupa maiyepape. Dopa pitami dokome, nyakamanya munipi, oapi epepi, etala naenge dupa nuu atingi jala naeyata mendenya mandipala kaiti-kisa setataminosa pita. Yuu dokonya pake nenge mende tengesa naepenge. Dupa neneme nao koeyasala naengeaka.

Luku 12:29

Nyakama neepi, endakipi dupa anja-tae namanape lao kutala naeyao, masepae longo nyala naeyaowaka kalyepape.

Luku 12:22

Dopa latala Jisasame baanya disaipolo dupa lamaiyoo, “Tenge dokonya nambame nyakama dapa langilyo: Nyakama auu pyoo katamana lao masetala, nyakamame nee anja-tae namanape, yonge pee anja-tae pimanape lao masepae longo nyala naeyalapape.

Luku 11:41

Nyakamame mona katao endakali daa jepae dupa maiyepape. Dopa pitaminopa, nyakamanya oapi dupa pitaka kaimala napita.

Luku 10:25

Dokopa looya mendeme toeya katapala Jisasa makande pyoo, “Mana Lenge, lete etete katenge doko nambame aipa petala nyotope?” lea.

Luku 3:11

Dopa leaminopa Joneme dokaitanya pii yanu pyakamaiyoo, “Yonge pee lapoma seta dokome, naseta endakali doko maipi. Nee napenge seta dokome, nee naseta endakali doko maipiaka” lea.

Matyu 16:7

Dopa leamopa nyakama-lapo laloo pyoo, “Naimame breta nyoo naipamano dokonya lelyamona” leami.

Luku 12:16

Dopa latala baame kongali pii mende dapa lea: “Yuunya kamongo mendenya eenya nee longo andea.

Luku 12:18

Dopa lao masetala baame lao pituu, ‘Nambame dapa pitoo: Nambanya nee setenge anda dupa lakyepala andake pyoo pitoo. Dopa petala nambanya witapi, oapi epepi dupa pitaka nyoo dokonya setato.