Luku 12:11 - Enga Niu Tesamene

¹¹ Endakali dupame nyakama laminao lotuu andapi, isingi akalipi, gapomanepi dupanya pataminopa, nyakama tange kame pinyoo pii aipa lamanape, pii aki lamanape lao masepae longo nyala naeyalapape.

Luku 12:11 Referans Kwoze

Luku 12:22

Dopa latala Jisasame baanya disaipolo dupa lamaiyoo, “Tenge dokonya nambame nyakama dapa langilyo: Nyakama auu pyoo katamana lao masetala, nyakamame nee anja-tae namanape, yonge pee anja-tae pimanape lao masepae longo nyala naeyalapape.

Matyu 23:34

Nambame propetapi, masepae singi akalipi, mana nyepae akalipi dupa nyakamanya kainanya epena lato. Dopa latopa, yangi dupa nyakamame pyao kumasetami. Yangi dupa pyao poko itanya yukutami. Yangi dupa nyakamanya lotuu anda dupanya konjame pyatami. Yangi dupa nyakamame taono mendenya pituu, mendenya watao paeyao, tanda maiyoo koeyasetami.

Matyu 6:25

“Tenge dokonya nambame nyakama dapa langilyo: Nyakama auu pyoo katamana lao masetala, nyakamame neepi, endakipi dupa anja-tae namanape, yonge pee anja-tae pimanape lao masepae longo nyala naeyalapape. Lete katenge doko nee nenge dopale daa. Yonge doko yonge pee pingi dopale daaka.

Matyu 6:27

Nyakamanya mendeme auu pyoo katapuli lao masepae longo nyete dokome, embanya lete katenge dokonya yuu gii mendai waipa setepe?

Matyu 6:28

Aipuma nyakamame yonge pee anja-tae pimanape lao masepae longo nyilyami? Eenya palao dii dupa dopa pyoo andengena lao masalapape. Dupame kalai mende napingima. Yonge peepi mende wasala naengemaka.

Matyu 6:31

Nyakamame neepi, endakipi dupa anja-tae namanape, yonge pee anja-tae pimanape lao masepae longo nyala naeyalapape.

Matyu 6:34

“Nyakamame taitanya lao masepae longo nyala naeyalapape. Taita kenda ipata dupa taita sepenge. Indupa kenda ipata dupa indupaka sepengena” Jisasame lea.