Luku 11:49 - Enga Niu Tesamene

⁴⁹ Tenge dokonyaka Gotenya masepae epe dokome dapa lea: ‘Nambame propetapi, aposolepi mendapu endakali dupanya kainanya pena latopa, endakali dupame yangi dupa pyao kumasetala, yangi dupa tanda maiyoo koeyasetamina’ lea.

Luku 11:49 Referans Kwoze

1 Korina 1:30

Goteme nyakama Jisasa Kraisa-pipa kalyepale lao nisiamo dokonya, nyakama Jisasa Kraisa-pipa kalyamino. Kraisa baa Gotenya masepae epe dokopi, Goteme tolataena lenge dokopi, kuni nasina lao pyoo wasoo nepenge dokopi, mokao nyingi dokopi, dupa jina lea.

Kolosi 2:3

Masepae epe dokopa, mana kandenge dokopa, dolaponya etete epe dupa pitaka Kraisa-kisa yalo petae katenge.

Epesusa 4:11

Pyakalyetala baame akali mendapu aposole kalai doko maiya. Mendapu propeta kalai doko maiya. Mendapu wai pii epe lamaingi kalai doko maiya. Mendapu pasta kalaipi, mana lenge kalaipi dupa maiya.

1 Korina 1:24

Dopaka doko, Gotenya kyeto dokopa, masepae epe dokopa, dolapo Kraisana lao Goteme endakali wii lao nyepae Juupi, Girikipi dupame masingima.

Aposole 22:20

Embanya pii lao panenge, Stipene doko pyao kumasiaminopa, nambame taeme pilyaminona lao tengesa dosa kandatae kateo. Stipene pyao kumasala peami akali dupanya yonge pee kisa pingi dupa nambame setapae katakamaiyona’ leo.

Aposole 8:3

Dokopa Solome siosa doko koeyasoo, anda dii lao kolandao, endapi akalipi Jisasa tungi pingima dupa pyalya lao nyoo, anjetae palenge anda dupanya nyoo pyandao paeya.

Aposole 7:57

Dopa leamopa, dokaitanya kale dupa piti petala, ae latae katao alo pyao pupala Stipene miniami.

Aposole 1:8

Dopaka doko, Oli Spirita doko nyakama-kisa ipatamopa nyakama kyeto nyepala, Jerusalemapi, Judia yuu doko pitakanyapi, Samaria yuu doko pitakanyapi, yuu soo etengepi, dupanya pupala, nambanya lao pii lao panatamina” lea.

Jone 16:2

Endakali dupame nambapa, nambanya Takangepa, nalimba nakandengema dokonyana, dokaitame lotuu anda dupanya nyakama watao pyatami. Yangimi nyakama pyao kumasetala, Gote kundi maiyoo kalai epe mende pilyamanona lao masetami. Dopa pitami gii doko ene epelyamo.

Luku 24:47

Baanya kenge dokonya koo dupa kunao nepena lao mona kapilyingi mana doko, Jerusalema katao tee pyao lamaitala, akali tata dupa pitaka lamaiyoo patana lao pepa pyapae silyamoaka.

Matyu 22:6

Yangimi kalai akali dupa minatala, mana koo minao pyao kumasiami.

Luku 11:48

Dopa pilyami dokome, nyakamanya yumbange dupame piami dupa yaka piamina lao, lao panelyaminosa pingi. Nyakamanya yumbange dupame propeta dupa pyao kumaseteaminopa, malu dupanya nyakamame anda pyakamaingima.

Aposole 11:27

Gii dosa mendasa propeta mendapu Jerusalema katao Antioko lanao epeami.

Revelesene 16:6

Endakali embanya lataepi, propetapi, dupa endakali dupame pyao kumasiaminopa, dupanya taeyoko dupa kai lea. Taeyoko dupa dokaita nena lao embame mailyino dokome, dokaita yole nyepenge doko nyilyaminona” lea.

Revelesene 18:20

Nyakama kaiti-kisa katengepi, endakali Gotenya lataepi, aposolepi, propetapi dupa masetala, Goteme siti doko-kisa tenge setapala tanda maitilyamona, nyakamame siti doko kandatala eteke pyalapape.