Luku 11:48 - Enga Niu Tesamene

⁴⁸ Dopa pilyami dokome, nyakamanya yumbange dupame piami dupa yaka piamina lao, lao panelyaminosa pingi. Nyakamanya yumbange dupame propeta dupa pyao kumaseteaminopa, malu dupanya nyakamame anda pyakamaingima.

Luku 11:48 Referans Kwoze

Jemesa 5:10

Kaimii paluma, propeta dupa tanda maiyaminopapi, dupame yakinala naeyao Kamongonya kenge doko lao panao kateamina, nyakamame dupa masetala mana nyalapape.

Matyu 23:31

Nyakamame dopa lelyamino dokome, nyakama propeta dupa pyao kumasiami akali dupanya mandipaena lao panelyamo.

Matyu 23:27

“Mosesanya loo mana nyepaepi, Parasipi, nyakama mana tolatae miningi manemane pingima dupa koeyatami. Endakali malunya ketae auu pilyamopa, malu koko endakali kuli akipi aiyame tumbatae katenge dopale nyakama kalyamino.

Luku 11:47

Nyakama koeyatami. Nyakamanya yumbange dupame propeta mendapu pyao kumasiami dupanya malunya nyakamame anda pyakamaingima.

Luku 11:49

Tenge dokonyaka Gotenya masepae epe dokome dapa lea: ‘Nambame propetapi, aposolepi mendapu endakali dupanya kainanya pena latopa, endakali dupame yangi dupa pyao kumasetala, yangi dupa tanda maiyoo koeyasetamina’ lea.

Roma 1:32

Mana koo dopale miningi endakali dupa kumapengena lao, Gotenya mana tolatae dokome lapae singina lao endakali dokaitame masingimaka doko, dokaitame mana koo dutupa minao katao, endakali waka dupame mana koo dutupa wata-minilyaminopa kandatala, yaka pimini-lamo lengema.