Luku 11:36 - Enga Niu Tesamene

³⁶ Embanya yonge doko pitaka iminjetae nakatenya, tii pipaeme iki tumbatamopa katateno doko, lama kaiyepaeme emba tii pisingili pyoo, embanya yonge doko pitaka tii pisetana” lea.

Luku 11:36 Referans Kwoze

2 Korina 4:6

Naimame Jisasa Kraisa kandatala, Gotenya tii pipae doko dopalena lao masalapale latala, iminjetae dokonya tii pina lea Gote dokome baanya tii pipae doko naimanya mona andaka tii pina lea.

2 Pita 3:18

Naima Pyoo Nyingi Kamongo Jisasa Kraisa dokonya kondo kaenge dokopa, baa masingi dokopa, dolaponya nyakama wambu petae kalyepape. Indupapi, tangapi Gote mambo pyao kenge andake maiyoaka katapenge. Doko kiningi.

Kolosi 3:16

Kraisanya pii dokopi, masepae epe dupa pitakapi, dupa nyakama-kisa longo lao tumbina kalyepape. Dokopa wee buku dokonya wee pyapae dupapi, lotuu wee pyapae dupapi, Oli Spiritame wee dita dupapi, dupame mona sakatasoo, mende mana lamai-lamai pyoo, nyakamanya moname Kamongo yaka pilyino lao kalyepape.

Jemesa 1:25

Dopaka doko, endakali mokao nyingi loo etete epe dupa kandakondape pyoo kandatala wata-miningi endakali dupame, loo dupa sepala aipa petaepe lao kame soo yakinala naenya, loo dupame latali pyoo katatami dupa Goteme auu piseta.

Ibru 5:14

Dopaka doko, nee kyeto dupa endakali angimi nengema. Endakali dopale dupame paa longosa mana koo epepi dupa yapeami dokonyana, mana koopi epepi dupa dopale-lamo lao yapenge dokonya mana nyepae.

Epesusa 4:14

Naima ŋaŋa joaka nakatenya, Kristene wambu petae katatama dokopa, poome endaki buli pilyamopa, soo yangi pyasa-pyasa pingili pyoo, endakali waa katapae dupanya sambo pii wasoo mana latami dupame naima minakasetala soo yangi pyasa-pyasa napitami.

Matyu 13:52

Dokopa baame dokaita lamaiyoo, “Mosesanya loo mana nyepae mendeme kingdom kaiti-kisa singi dokonya mana nyepala katenge doko, anda tange dopale. Anda tange dokome baanya andaka oapi enengepi, wambataepi, epe setenge dupame kalai pipenge jilyali pyoo minao kalai pingina” lea.

Matyu 5:15

Endakali dupame lama kaiyepala, penge mendeme sanga pyambala naengema. Endakali andaka pititami dupa pitaka tii pisina lao toko-kisa panao setengema.

Luku 11:35

Dopana, emba-kisa tii pipae silyamo doko iminjetana, kandao isoo katape.

Luku 11:37

Jisasa pii lao kateamopa, Parasi mendeme nee nambana lao epena lea. Dopa lateamopa, baa pao andaka kolandatala nee nalanya petea.