Luku 11:35 - Enga Niu Tesamene

³⁵ Dopana, emba-kisa tii pipae silyamo doko iminjetana, kandao isoo katape.

Luku 11:35 Referans Kwoze

2 Pita 1:9

Dopaka doko, mana dutupa naminingi endakali dokome londatili silyamo dupa kanja naeyao, lenge monda joo katenge. Endakali dokome wamba koo piamo dupa Goteme kunao nepakamaiyamo doko kame singi.

Revelesene 3:17

Embame dapa lelyeno: “Namba dupa pitakame kapa patae, dopale mendeme daa jala naenge, namba kamongo kalyona” lelyeno. Dopaka doko, emba koeyapae, kondo pipae, tipya, lenge monda, yonge papata kalyeno doko masala naelyeno.

Roma 1:22

Dokaitame nyakama tange masingi akali kalyamanona lao masiamiaka doko, angi kyakaenge jiami.

2 Pita 2:18

Dokaitame luiyao pii tenge nakatenge dupanya tange kenge minalyoo pii andake lengema. Sambo pii dokonya katengema endakali dupa yakinao endakali mendapu paka pupala, kiningi pii dokonya ipatelyaminopa, sambo pii mana lenge dokaitame yongenya koo pyoani kaenge mana dupa wata-minina latala, andiki pyoo lanyingima.

Matyu 6:22

“Lenge doko yongenya lama doko. Emba lenge mendai iki tao katateno doko, embanya yonge doko pitaka tii pipaeme tumbatamopa katate.

Luku 11:34

Lenge doko yongenya lama doko. Dopana, emba lenge mendai iki tao katateno doko, embanya yonge doko pitaka tii pipaeme tumbatamopa katate. Dopaka doko, emba lenge lapo tao katateno doko, embanya yonge doko pitaka iminjetaeme tumbatamopa katate.

Luku 11:36

Embanya yonge doko pitaka iminjetae nakatenya, tii pipaeme iki tumbatamopa katateno doko, lama kaiyepaeme emba tii pisingili pyoo, embanya yonge doko pitaka tii pisetana” lea.