Luku 11:29 - Enga Niu Tesamene

²⁹ Jisasa katea dokonya endakali longo ipao kambu piaminopa, baame lao pituu, “Endakali indupa palelyamino dupa koo pingima. Dupame mirakolo mende kandamana nambame pii lelyaminoaka doko, propeta Jona-kisa mirakolo pia doko iki makande petae silyamona, mirakolo waka mende nakanjamino.

Luku 11:29 Referans Kwoze

Luku 11:16

yangi dupame Jisasa makande pyoo, kaiti-kisa-tae mirakolo mende kandamana pina leami.

1 Korina 1:22

Juu dupame mirakolo mende kandamana pyepa lao tee lengema. Giriki dupame endakalinya masepae epe dupa nyemana lao kutingima.

Luku 12:1

Gii dokopa, endakali tausene longo ipao kambu piami dokome, endakalinya moko yango-kisa katao lombapae siami. Dokopa Jisasame tee pyao baanya disaipolo dupa lamaiyoo, “Parasi dupame mana tolatae miningi manemane pingima doko yisa palaonya taengeli pyoo nyakama-kisa taeyatana, kandao kalyepape.

Jone 8:44

Nyakamanya takange doko Satane. Baa sambo piinya takange dokonyana, baa-kisa sambo pii iki singi. Baame pii lelyamo dokopa, sambo pii iki lenge. Tee pia dokonya pituu, baame endakali pyao kumasia. Baa-kisa kiningi pii doko nasingi dokonyana, baa kiningi pii dokonya nakatenge. Nyakamanya takange Satane dokome pingili pyoo nyakamame pimu laka lao masilyamino.

Jone 6:30

Dokopa dokaitame baa lamaiyoo, “Endakali napalenge yuu dokonya naimanya yumbange dupa manaa nee doko neami-pyaa. Dopa piami dokonya dapa lao pepa pyapae singi: ‘Baame kaiti-kisa-tae breta doko endakali dupa nena lao maiya-pyaana’ lapae singi. Dopana, embame kalai aipale mende piti? Embame mirakolo aipale mende pitinopa naimame kandatala, pii lelyeno doko kiningina lao masemanape?” leami.

Jone 2:18

Jisasame dopa pia dokonya Juu dupame baa lamaiyoo, “Embame pilyino datupa pipenge kyeto doko emba-kisa silyamona lao panasoo, mirakolo aipale mende naimame kanjepale lao pitipi?” leami.

Luku 11:50

Endakali indupa palelyamino dupame dopa pitami dokome, yuupa kaitipa dolapo tee pia dokonya pituu, propeta pyao kumasiami dupa pitakanya taeyoko kai lea dupanya tenge dupa endakali indupa palelyamino dupa-kisa ipata.

Luku 9:41

Dopa leamopa Jisasame yanu pyao, “Nyakama mana epe minala naeyao, Gote tungi pyala naeyaowaka pingima dupa, namba nyakama-pipa katao pao gii andukupa yakinato? Nyakama nongo pilyamino doko andukupa tolataminopa lao nambame malisoo katao? Embanya wane doko laminao asa ipu” lea.

Make 8:38

Endakali mendeme Gote yakinatala koo pyoo kalyamino dupanya kainanya katapala, nambapa, nambanya pii dokopa, dolapo lao panalanya elya kaeyatamo doko, Akalinya Ikiningi doko enjele Gotenya latae dupa-pipa, Takange dokonya tii pipae andake dokonya pituu ipatamo gii dokopa, Akalinya Ikiningi dokome endakali doko kandatala baa elya kaeyatakana” lea.

Matyu 3:7

Dokopa Parasipi, Sadyusipi longo mendapu kaimbu pyekena lao epeamino kandatala, baame dokaita lamaiyoo, “Nyakama koo kanopatonya mandipae! Gotenya imbu kaeyapae doko ipatana lao apimi nyakama langimusa paka epelyami?