Luku 11:26 - Enga Niu Tesamene

²⁶ Dokopa baa ita minao imambu etete koo kalange mendatupa lanyepala, anda dokonya kolandatala katengema. Dokopa, wamba akali doko kopeta katengeaka doko, imambu koo dutupa baa-kisa ipao palelyaminopa, baa etete kopeta katengena” lea.

Luku 11:26 Referans Kwoze

Jone 5:14

Maitakao Jisasame lotuu anda nee nyetae kamapu dokonya akali doko kandao nyepala baa lamaiyoo, “Indupa embanya yaina doko mee jakalamona, kenda andakele mendeme emba koeyasetana, dee koo mende napipi” lea.

Matyu 12:45

Dokopa baa ita minao imambu etete koo kalange mendatupa lanyepala, anda dokonya kolandatala katengema. Dokopa, wamba akali doko kopeta katengeaka doko, imambu koo dutupa baa-kisa ipao palelyaminopa, baa eteteaka kopeta katenge. Endakali koo pingi indupa palelyamino dupa-kisa dopaka pitamopa, etete kopeta katatamina” lea.

1 Jone 5:16

Endakali kumasala naeyapenge koo mende endakali dupame pitami dokonya dapa lelyo: Akali mendeme kandatamopa, Kristene kaiminingi mendeme baa kumasala naeyapenge koo mende pitamo doko, kandata akali dokome Gote loma sakamaitamopa, Goteme Kristene kaiminingi doko lete katenge doko maita. Endakali kumasingi koo mende singina, doko pitami dupanya loma sakamaiyepale lao laa naelyo.

Matyu 23:15

“Mosesanya loo mana nyepaepi, Parasipi, nyakama mana tolatae miningi manemane pingima dupa koeyatami. Nyakamame endakali mende nyakamanya disaipolo nyemana lao kutao, solowata yangitena pata, yuu waka dupanya pata pingima. Kutao nyilyami endakali dokome nyakama ita minao, ele panda koo dokonya mana dupa minina lao mana lengema.

Luku 11:25

Dopa latala, imambu koo dokome pilyetala kandelyamopa, anda doko kuni nasoo, auu pyoo wasetae katenge.

Luku 11:27

Jisasame pii dutupa lao kateamopa, endakali kambu dokonya enda mende katea dokome puu lao baa lamaiyoo, “Embanya endangi, emba mandipala andu dia doko, Goteme auu pisetaena” lea.