Luku 11:22 - Enga Niu Tesamene

²² Dopaka doko, akali etete pupu lapae mendeme akali doko pyao ita minatala, akali dokonya yanda yandatepi, konambipi, tungi pingi dupa nyoo patala, akali etete pupu lapae dokome baanya tata dupa mokosoo maingi.

Luku 11:22 Referans Kwoze

1 Jone 4:4

Wane paluma, Spirita nyakama-kisa kalyamo dokome isa yuu dakenya spirita kalyamo doko ita miningi. Tenge dokonya, nyakamame sambo propeta dupa ita minateami.

1 Jone 3:8

Tee pia dokonya pituu, Sataneme koo pingi dokonyana, endakali koo pingima dupa pitaka Satanenya. Gotenya Ikiningi doko panao epeamo dokome, Satanenya kalai pingi dupa pitaka koeyasoo nepalanya epea.

Kolosi 2:15

Kraisa baa poko ita dokonya kumiamo dokome isingipi, kyetopi, dupa pitakanya yanda yandatepi dupa nyoo nepatala, yanda pimaiyoo ita minatelyona lao, endakali dupame kandena lao panasia.

Luku 11:21

Akali pupu lapae, yanda yandatepi longo setenge mendeme baanya yuu andapi dupa kandao isoo kalyamopa, baanya oapi dupa auu pyoo singi.

Luku 11:23

Namba nisala naenge endakali dokome namba yanda pingingi. Namba-pipa kambu pyala naenge endakali dokome endakali dupa tale pisingina” lea.

Epesusa 6:11

Sataneme waa katao yanda pingitamopa, baa yanda pimaiyanya kyeto joo katamana lao, nyakamame Gotenya yandapi, yandatepi, konambipi dupa pitaka nyoo minatala depa latae kalyepape.

Epesusa 6:13

Dopana, gii koo doko ipatamopa, nyakamame yanda pimaitamanopa lao, Gotenya yandapi, yandatepi, konambipi dupa pitaka nyoo minatala depa latae kalyepape. Dopa pitamino doko, nyakamame yanda doko pyoo etapala kyeto joo katatami.