Luku 10:6 - Enga Niu Tesamene

⁶ Mona yaepenge dokonya ikiningi mende andaka dokonya pititamo doko, nyakamanya mona yaepenge pii epe lamaitami doko baa-kisa seta. Mona yaepenge dokonya ikiningi mende napititamo doko, mona yaepenge pii epe lamaitami doko nyakama-kisa pilyeta.

Luku 10:6 Referans Kwoze

2 Tesalonaika 3:16

Mona yaepasingi Kamongo dokome, baanya mona yaepenge epe doko koteaka lao kalai pitami dupa pitakanya, nyakama dipya laka lao masilyamano. Kamongo nyakama pitaka-pipa katami laka lao masilyamanoaka.

Jemesa 3:18

Mona setao katamana lao akema lengema dupame akema lenge mana doko ee wai joo lyandelyaminopa, mana epe tolatae dupa dii mandenge.

Epesusa 5:6

Mana koo dopale dupa mambele Gotenya imbu kaenge doko baanya pii nepenge endakali dupa-kisa epelyamona, endakali mendeme pii tenge napalenge dupa lao nyakama minakasina lao kaeyala naeyalapape.

1 Pita 1:14

Wamba nyakamame masala naeyao, yongenya koo pyoani kaenge dupa pimu laka lao masoo kateaminoli pyoo nakatenya, wane dupame pii sepala wata-miningimali pyoo wata-minao kalyepape.

Luku 10:5

Nyakama anda mendenya kolandatami dokopa wambao lao pituu, ‘Mona yaepenge doko andaka dakenya sina’ lao lamaiyepape.

Luku 10:7

Nyakama anda lyaa dii laa naenya, lanyetami andaka dokonya iki kalyepape. Akali kalai pita dokome yole nyepengena, endakali dupame nyakama nee endakipi dupa ditamili pyoo nao kalyepape.