Luku 10:3 - Enga Niu Tesamene

³ Nyakama sipisipi ŋaŋa jepae dupa nambame yana kapu dupanya kainanya pupa lelyona pupape.

Luku 10:3 Referans Kwoze

Matyu 10:16

“Nyakama sipisipi jepae dupa nambame yana kapu dupanya kainanya pupa lelyo. Dopana, kanopato dupame waa katengemali pyoo, nyakamame waa katao kalyepape. Yaka maiyolee dupame ema napyoo, mende koeyasala naeyao petengemali pyoo nyakama kalyepape.

Aposole 20:29

Namba patatopa, yana kapu mendapu nyakama katatami dokonya ipupala, Gotenya sipisipi dupa kaeyala naeyao koeyasetamina lao nambame masilyo.

Jone 16:2

Endakali dupame nambapa, nambanya Takangepa, nalimba nakandengema dokonyana, dokaitame lotuu anda dupanya nyakama watao pyatami. Yangimi nyakama pyao kumasetala, Gote kundi maiyoo kalai epe mende pilyamanona lao masetami. Dopa pitami gii doko ene epelyamo.

Jone 15:20

‘Kalai akali mendeme baanya akali andake doko ita naminingina’ lao nambame nyakama langyo doko nyakamame masalapape. Namba tanda dyoo koeyasingima endakali dupame nyakama apata tanda dyoo koeyasetamiaka. Nambanya pii dupa wata-miningima endakali dupame nyakamanya pii dupa apata wata-minatamiaka.

Matyu 10:22

Nyakamame nambanya kenge doko lao panelyamino latala, endakali dupa pitakame nyakama imbu kaeyatami. Dopaka doko, endakali mende kyeto joo katao, baa etata gii dokonya tuu latamo doko, baa Goteme pyoo nyeta.

Matyu 7:15

“Sambo propeta dupanya mona andaka yana kapu jetae katatamopa, sipisipi yonge nyoo petala, nyakama katatami dokonya ipatamina, kandao kalyepape.

Jone 10:12

Dopaka doko, yole kalai pingi akali doko baa sipisipi setao katenge doko daa, baa sipisipi dupanya yumbange doko daaka dokonyana, yana kapu mende epelyamo kandatala, baame sipisipi dupa yakinatala paka penge. Paka patelyamopa, yana kapu dokome sipisipi dupa watambatala pyao nelyamopa, yangi dupa paka pyakao tale pingima.

Luku 10:4

Nyakamame kaita paanya, munipi, nokainapi, moko peepi mende nyoo napupape. Endakali mende kaitinisa kandanyetala pii lamaiyoo lasa nalalapape.