Luku 10:28 - Enga Niu Tesamene

²⁸ Dokopa Jisasame baa lamaiyoo, “Pii doko tolao yanu pilyinona, embame dopaka pyoo katateno doko, emba lete katatena” lea.

Luku 10:28 Referans Kwoze

Matyu 19:17

Dokopa Jisasame baa lamaiyoo, “Aipuma embame namba epe lelye? Endakali mende epe daa. Gote iki baa epe. Emba lete katenge doko nyotoo lao maseteno doko, mana setapae dupa wata-minape” lea.

Galesia 3:12

Mosesanya loo dupa wata-miningi doko Gote tungi pingi dopale daa. “Endakali mendeme loo dupa wata-minao katata dokonya-kaita baa lete katatana” lao pepa pyapae silyamo.

Roma 10:4

Dopaka doko, Kraisa tungi pingi endakali dupa pitaka Goteme tolataena lena lao, Mosesanya loo dupame laminao Kraisa kalyamo dokonya penge.

Roma 3:19

Mosesanya loo dupanya pii pepa pyapae silyamo dupa Mosesanya loo dupanya pundipundi katenge endakali dupanya lao pyapae silyamona lao naimame masilyamano. Tenge dokonya, Goteme endakali dupa pitaka yapao pituu, koo piami dupa aipuma piamipi lao tipa pitamopa, endakali dupa pitakame aipa lamape lao masala naeyapala nenge-kaita piti pitami.

Luku 7:43

Dopa leamopa Saimoneme yanu pyao, “Yanu andake sina kaeya-lumu akali dokome etete auu kaeyana lao nambame masilyona” lea. Dokopa Jisasame baa lamaiyoo, “Embame tolao yapatala lelyenona” lea.

Make 12:34

Akali dokome masetala auu pyoo yanu piamo doko Jisasame kandatala baa lamaiyoo, “Gotenya kingdom dokonya emba londatili nakalyenona” lea. Dopa lateamopa, endakali mendaipi mendeme baa pii mende dee tipa pyaanya paka kaeyami.

Roma 7:10

Namba lete katenge doko nyatale lao Gotenya mana setapae dupa epeamoaka doko, mana setapae dupame namba kumatale lao kumingi doko minao epea-lamo lao nambame kandelyo.