Luku 10:14 - Enga Niu Tesamene

¹⁴ Goteme endakali dupa yapatamo gii dokopa Taeyapa, Saidonepa tange dupa tanda andake maitaka doko, Goteme nyakama tanda eteteaka andake dita.

Luku 10:14 Referans Kwoze

Roma 2:1

Dopana, embame endakali yapelyeno dokome emba-kisa koo mende nasilyamona lapenge daa. Endakali waka dupame mana minilyamino dupaka embame miningi dokonya, dupame koelyaminona lao embame yapelyeno dokome emba tange koona lao yapelyenosa pingi.

Roma 2:27

Emba akali yanu kepapae dokome loo pepa pyapae dupa setao katao, loo dupa yalateno doko, yanu kepala naeyao Mosesanya loo dupa wata-minao katenge akali dokome emba koelyeno lata.

Jone 3:19

Goteme endakali dupa-kisa tenge setelyamo doko dake: Tii pipae doko isa yuu dakenya ipao kateamopa, endakali dupanya mana miniami dupa koo dokonyana, iminjetae doko auu kaeyapala tii pipae doko yakineami.

Matyu 10:15

Goteme endakali dupa yapatamo gii dokopa Sodomopa, Gomorapa tange dupa tanda andake maitaka doko, nyakamame yuu lyanda lanya setatami taono dokonya tange dupa tanda eteteaka andake maitana lao nambame nyakama kiningi langilyona” lea.

Matyu 11:21

“Korasina tange dupa nyakama koeyatami. Betsaida tange dupa nyakama koeyatamiaka. Nyakamanya taono dupanya mirakolo pio dupa, Taeyapa, Saidonepa dolaponya pioli doko, siti dolaponya tange dupame yonge pee meme itimi wasepae dupa pyoo, kenai dupa aiyombanya pyasetala, wamba mona kapilyiamili.