Luku 1:45 - Enga Niu Tesamene

⁴⁵ Kamongonya pii emba langia dupa angi jetana lao masiino wanaku doko emba Goteme auu pisetaena” lea.

Luku 1:45 Referans Kwoze

Jone 20:29

Dopa leamopa Jisasame baa lamaiyoo, “Embame kandelyeno dokonya namba tungi pilyipi? Namba nakandao tungi pilyamino endakali dupa Goteme auu pisetae kalyaminona” lea.

Jone 11:40

Dokopa Jisasame baa lamaiyoo, “Embame namba tungi pyateno doko, Gotenya tii pipae doko kanjapenona lao nambame emba langya naeyalope?” lea.

Luku 1:20

Gii setea dokonya nambame pii lelyo datupa angi jeta. Dopaka doko, embame nambanya pii datupa kiningina lao masala naelyeno dokonya, emba indupa pituu, pii nalao muumaa jetaeyaka katao pao, pii lelyo datupa angi jeta gii dokonya tuu latena” lea.

Luku 1:44

Embame auu pyoo pitipi lelyeno pii doko nambanya kaleme sipupa, nambanya inginya wane pilyamo doko eteke pyao mangalyilyamo.

Luku 1:48

Namba baanya kalai wanaku, kenge nasingi doko baame kandatala kondo kaeya. Indupa pituu endakali paliu patami dupa pitakame namba Goteme auu pisetaena latami.