Kolosi 3:3 - Enga Niu Tesamene

³ Nyakama kumiamino dokonya, nyakamanya lete katenge doko Kraisa-pipa Gote-kisa yalo petae kalyamo.

Kolosi 3:3 Referans Kwoze

Galesia 2:20

Kraisa pyao yukutae kateamo dokonya, namba apata pyao yukutae kateamba. Dopa piambano dokonya, indupa pituu namba, namba tangenya nakalyo. Kraisa baa namba-kisa kalyamo. Gotenya Ikiningi dokome namba auu kaeyapala, namba alo pyoo baa kumia. Dopa piamo dokonya, namba yonge katao kalyo dakepa, nambame baa tungi pyao kalyo.

Roma 6:2

Daa, dopa nalamana! Naimame koo pingi mana dupa yakinatala kumapae joo kalyamano doko, aipa petala naimame deaka koo pyoo katama?

Kolosi 2:20

Isa yuu dakenya isingi imambu dupanya pundipundi nakatamana lao, Kraisa baa kumiamo dokonya nyakama apata kumateamino doko, aipuma nyakama yuu dakenya endakali dupa katengemali pyoo kalyami? Kaimala pipae dupa watandala naeyao, minala naeyao, nao sala naeyaowaka pipengena lao Juumanya lotuu mana dupame lapae singi doko, mana dopale dupa aipuma nyakamame minaowaka kalyami?

Jone 5:24

Nambame nyakama etete kiningi langilyo: Nambanya pii doko sepala, namba puu lea Akali doko tungi pilya endakali dokome, kumingi doko yakinatala, lete etete katenge doko nyingi. Dopa pilya dokome, Goteme tenge setapala tanda maingi doko endakali dokome wandingi.

Roma 8:2

Koo pingi manapi, kumingipi dupanya lete katasingi Spirita dokome namba mokao nyepala, Jisasa Kraisa-pipa nyoo pyasia.

Roma 5:10

Naima Gotenya yandapipi kateamanopa, baanya Ikiningi doko kumiamo dokome naima Gote-pipa nyoo pyasia. Dopa piamo dokome, baanya lete katenge dokome naima pyoo nyala-kao nyeta.

2 Korina 5:14

Naima pitakanya panda nyoo akali mendai kumia-tamo doko, naima pitaka dokonya kumiamakana lao masilyamano. Dopa lao masilyamano dokonya, Kraisanya auu kaenge dokome naima kalai pyepale lao mona sakatasekenge.

Jone 5:21

Takange dokome endakali kumapae dupa sakatasetala lete katenge doko maingi. Dopaka pyoo, Ikiningi dokome endakali mende lete katenge doko maitoo lao masilyamo doko maingi.

Jone 3:16

“Goteme isa yuu dakenya endakali dupa pitaka auu kaeyamo dokome, baanya Ikiningi mendai iki doko maiya. Endakali mendeme Gotenya Ikiningi doko tungi pyatamo doko, baa kumao alu napinya, lete etete katenge doko nyetamopa lao maiya.

Jone 14:19

Gii kuki mendatupa patatamopa, isa yuu dakenya endakali dupame namba kanja naeyalamino. Dopaka doko, nyakamame namba kanjamino. Namba lete katenge dokonya nyakama apata leteaka katatami.

1 Pita 3:4

Anasale joo petengepi, ema napyoo petengepi, mana dopale dupame nyakamanya mona andaka yati petae pilyepape. Koeyao alu napingi yati dopale dupa Goteme kandatala etete epena lao masingi.

Matyu 11:25

Gii dokopa Jisasame lao pituu, “Apane, emba yuupi, kaitipi dupa pitakanya Kamongo. Mana longo kandenge endakalipi, mana longo nyepaepi, dupame dapale dupa nakandena lao yalo petala, wane koo joo katenge endakali dupame kandena lao embame panasiino dokonya nambame emba yaka pilyino lelyo.

Kolosi 3:4

Naima lete katasingi, Kraisa doko panao ipatamopa, baanya tii pipae dokonya nyakama apata panao ipatamiaka.

Ibru 7:25

Tenge dokonya, Jisasa tungi pingi dokonya-kaita Gote kalyamo dokonya tengesa pelyamino endakali dupa, Goteme nisina lao Jisasame loma sakamaiyoo, baa kataowaka katenge. Dopa pingi dokonyana, baame endakali dupa etao pyoo nyingi.

Kolosi 2:3

Masepae epe dokopa, mana kandenge dokopa, dolaponya etete epe dupa pitaka Kraisa-kisa yalo petae katenge.

Jone 5:40

Dopaka doko, nyakamame namba-kisa lete katenge doko nyala naepenya tuu pilyamino.

Jone 4:14

Dopaka doko, nambame endaki maitopa natami endakali dupa tanga-tangapi dee endaki nanu nakaeyatami. Endaki nambame maitopa natami endakali dupa-kisa endaki doko pituu tumbatala lyoo ipao, endakali dupa lete etete katenge doko maitana” lea.

Revelesene 2:17

Spirita dokome siosa dupa pii lamailyamo dupa endakali kale katenge dupame sepenge. Koo pingi mana dupa ita minata endakali doko, manaa nee yalo petae dokonya mendatupa nambame maitala, kana kyeo lapae mende maitoaka. Kana dokonya baanya kenge enenge doko pepa pyatae katata. Kenge pyatae doko endakali mendeme nakandata. Kana doko nyeta endakali dokome iki kandatana’ ” lea.

1 Jone 3:2

Mona setenge paluma, indupa naima Gotenya wane kalyamano. Tanga naima katapenge doko dopalena lao panasala naelyamo. Dopaka doko, baa panatamopa naimame baa dopale-lamo lao kandatama. Gii dokopa naima baa-yale katatamana lao masilyamano.

Pilipae 4:7

Gotenya mona yaepasingi doko dopalena lao endakali mendeme masala naenge. Mona yaepasingi dokome nyakamanya monapi, masingipi dupa Jisasa Kraisa-kisa auu pyoo sina lao isoo katata.

1 Korina 15:45

Pii pepa pyapae singi dokonya dapa lapae silyamo: “Akali tee pyao katea Adame doko lete katenge mende jiana” lapae silyamo. Etao kateamo Adame doko lete katenge maingi spirita mende jia.

1 Korina 2:14

Spirita dokome epe maingi dupa kyakaengena lao masetala, Gotenya Spirita doko nakatenge endakali dupame yakinengema. Spirita dokome nisilyamopa, epe maingi dupa dopalena lao masingima. Tenge dokonya, Spirita dokome epe maingi dupa aipalepe lao Spirita doko nakatenge endakali dupame masala naengema.

Roma 5:21

Dopa pia dokonya, koo pingi mana dokome endakali dupa kumina lao isoo katea-pyaa. Indupa Gotenya kondo kaengeme tolataena lenge dokome, naimanya Kamongo Jisasa Kraisame kalai piamo dokonya-kaita, naima lete etete katenge doko ditala isoo kalyamo.

2 Korina 5:7

(Naimame baa lengeme nakandao, baa tungi pyao kalyamano.)

Roma 6:11

Nyakama apata koo pingi mana dupa yakinatala, kumapae kalyamino dokonya, nyakama naimanya Kamongo Jisasa Kraisa-kisa katao, Gotenya kalyamanona lao nyakamame masalapape.

Epesusa 3:9

Dupa pitaka Jisasa Kraisa-kisa pyoo wasia Gote dokome kalai mende pitona lao, wamba-waka yalo pyoo masoo katea doko nambame endakali dupa pitaka tii pisoo lamaiyale lao namba kondo kaeya.

1 Pita 4:2

Endakali doko baa yuu dakenya kalyamo gii dokopa, yongenya koo pipu laka lao masoo kalya naenya, Goteme pina lao masilyali pyoo katatoo lao baanya koo pilya dupa yakinenge.