Jone 9:4 - Enga Niu Tesamene

⁴ Yuu kuilyamopa endakali mendeme kalai napingi. Tii pilyamo dakepa, namba puu lea Akali dokonya kalai dupa nambame yakinala naeyao pyakamaipenge.

Jone 9:4 Referans Kwoze

Jone 12:35

Dopa leaminopa Jisasame dokaita lamaiyoo, “Tii pipae doko nyakama-pipa gii kuki mendatupa iki kalyaminona, iminjingi dokome nyakama ita minatana, tii pipae doko nyakama-pipa kalyamino dokopa, tii pipae dokonya paeyalapape. Endakali mende iminjetaenya paelya dokome, baa anja pelyope lao nakandenge.

Epesusa 5:16

Indupa gii datupanya endakali dupame koo longo pilyaminona, nyakamame gii nepala naeyao, kalai epe pipenge dupa pyoo kalyepape.

Jone 4:34

Dokopa Jisasame dokaita lamaiyoo, “Namba puu lea Akali dokonya masingili pyoo, kalai pyoo etasakamaipenge doko nambanya nee doko.

Galesia 6:10

Dopa pitamana, naimame kalai epe pipenge dupa pyoo, endakali dupa pitaka nisoo katamana. Dopa pyoo katao, Jisasa tungi pingima endakali dupa mupa joo nisemana.

Jone 17:4

Namba isa yuu dakenya katao, emba kenge andake ditio. Nambame kalai pyaale lao diino dupa pyoo etapeo.

Kolosi 4:5

Kamalya katenge endakali dupa-pipa katatami gii dokopa, nyakamame gii nepala naeyao, masepae epe paliu, dupa-kisa mana epe minao kalyepape.

Jone 5:36

Dopaka doko, Joneme namba akali dokona lao pii leamo dupa nambame kalai pilyo dupame ita minilyamo. Nambanya Takange dokome kalai mendapu pyoo etatale lao namba dia dupa nambame pyoo kalyo. Dopa pyoo kalyo dokome, nambanya Takange dokome namba puu leana lao panelyamo.

Jone 10:32

Dopa piaminopa Jisasame dokaita lamaiyoo, “Nambanya Takangeme kalai pyaale lao namba dia dupanya kalai epe longo mendapu nyakamame kanjepale lao pipu. Dupanya anduku nambame kopeta pipusa, nyakamame namba kaname pyalanya pilyamipi?” lea.

Jone 10:37

Nambame pii lelyo dupa kiningina lao nyakamame masala naeyatamino doko, nambanya kalai pilyo dupa kanjepape. Nambanya Takangenya kalai dupa nambame napingi-tamo doko, nambame pii lelyo dupa kiningina lao masala naeyalapape. Dopaka doko, nambanya Takangenya kalai dupa nambame pingi-tamo doko, kalai dupa kandatala nambame pii lelyo dupa kiningina lao masalapape. Dokopa namba Takange dokonya mona andaka kalyopa, baa nambanya mona andaka katenge-lamo lao nyakamame kandatamina” lea.

Aposole 4:20

Nalimbame kandeambapi, siambapi dupanya nenge-kaita piti petala, kapa pao mee kalya naeyalambanona” leambi.

Jone 5:19

Dokopa Jisasame dokaita lamaiyoo, “Nambame nyakama etete kiningi langilyo: Takange dokome kalai mende pilyamopa, Ikiningi dokome kandenge dokoaka Ikiningi dokome pingi. Ikiningi dokome iki masoo kalai mende napingi. Tenge dokonya, Takange dokome kalai pingili pyoaka Ikiningi dokome pingi.

Jone 7:33

Dokopa Jisasame lao pituu, “Namba nyakama-pipa gii kuki iki katapala, namba puu lea Akali doko kalyamo dokonya patoo.

Matyu 20:7

Dopa leamopa dokaitame baa lamaiyoo, ‘Akali mendeme naima kalai nandipyanya, naima mee kalyamanona’ leami. Dokopa baame dokaita lamaiyoo, ‘Nyakama yole nyepengeli pyoo nyalaminona, nyakama apata nambanya waene ee dokonya kalai pyakala pupa’ lea.

Make 3:3

Dokopa Jisasame kingi talyanga doko lamaiyoo, “Emba sakatatala, endakali pitakanya enombanya kalya ipu” lea.