Jone 8:44 - Enga Niu Tesamene

⁴⁴ Nyakamanya takange doko Satane. Baa sambo piinya takange dokonyana, baa-kisa sambo pii iki singi. Baame pii lelyamo dokopa, sambo pii iki lenge. Tee pia dokonya pituu, baame endakali pyao kumasia. Baa-kisa kiningi pii doko nasingi dokonyana, baa kiningi pii dokonya nakatenge. Nyakamanya takange Satane dokome pingili pyoo nyakamame pimu laka lao masilyamino.

Jone 8:44 Referans Kwoze

Aposole 13:10

dapa lea: “Emba Satanenya mandipae dokome mana tolatae dupa pitaka yanda pimaingi. Luingi manapi, endakali minakasingi manapi, dupa emba-kisa tumbatae. Emba dopa petae dokome Kamongonya kaitini tolatae dupa tanga-tangapi koeyasoaka katate-lamo!

1 Jone 3:12

Keine baa Satanenya wane katapala, baanya kaiminingi doko pyao kumasia-pyaa. Aipuma baa pyao kumasia? Kaiminingi doko mana tolatae miniamopa, Keine baa mana koo minia dokome, baanya kaiminingi doko pyao kumasia-pyaa. Dopana, naimame Keineme pia-lumu dopa napipenge.

2 Korina 11:3

Dopaka doko, kanopato dokome baanya waa katao sambo lenge mana dokome enda Ipa minakasiali pyoo nyakama minakasetamopa, mona mendai paliu Kraisa wata-miningi doko nyakamame yakinatamini-lao paka kaelyo.

Revelesene 12:9

Kanopato andake dokopi, baanya enjelepi, dupa watao isa pyandeami. Kanopato doko baa wambatae-waka dokome isa yuu dakenya endakali dupa pitaka minakasingi. Baanya kenge doko koo akali lata, Satane lata pingima.

Jone 8:38

Nambanya Takange doko-pipa tole katao kandeo dokoaka lelyo. Dopaka pyoo, nyakamanya takange doko-pipa tole katao kandeamino dokoaka pilyaminona” lea.

Jone 8:41

Nyakamanya takange dokome pingi dupaka nyakamame pilyaminona” lea. Dokopa dokaitame baa lamaiyoo, “Naima mandinya nepatae mendapu nakalyamano. Naimanya Takange mendai iki doko Gotena” leami.

1 Jone 3:15

Akali mendeme baanya Kristene kaiminingi doko imbu kaelyamo dokome, kaiminingi doko pyao kumasilyamosa pingi. Endakali pyao kumasingi doko-kisa lete etete katenge doko nasingi doko nyakamame masilyamino.

Matyu 13:38

Ee doko isa yuu dake. Ee wai epe dupa kingdom kaiti-kisa singi dokonya ikiningi dupa. Koo tanu dupa Satanenya ikiningi dupa.

Judu 1:6

Dopaka pyoo enjele mendapuame kalai isoo pyoo katena lea panda doko yakineaminosa, dokaita sene kendeme anjetala, eteteaka iminjembatae panda dokonyaka katao, yapata gii andake doko kandao nyetamina lea-pyaa.

1 Jone 2:4

Endakali mendeme baa masingina latala, baanya mana setapae dupa wata-minala naenge endakali doko-kisa kiningi pii doko nasilyamopa, baame samboaka lenge.

Revelesene 21:8

Dopaka doko, paka kaeyapala liki-maliki lenge endakalipi, Gote tungi pyala naengepi, koo pingipi, mana myuku pipae miningipi, endakali pyao kumasingipi, kepo kolengepi, nemango lengepi, gotena lao wasepae dupa lotuu lengepi, sambo lengepi, dupa nyakamanya yuu, kana yuli tao katenge itate andake dokonya katatami. Kana yuli tao katenge itate andake doko lapo pyoo kumingi dokona” lea.

1 Pita 5:8

Laeyone gatu pingi mendeme mende pyao nalanya maa pyao paengeli pyoo, nyakamanya yandapipi Satane dokome endakali pyao nalanya maa pyao paelyamona, nyakama tange kandao isoo kalyepape.

Revelesene 9:11

Yuli koo, mendasa soo etala naenge dokonya isingi enjele doko paiyomba dupanya kiŋi doko. Baanya kenge doko Ibru pii lao Abadone lenge. Giriki pii lao Apolyone lenge.

Aposole 5:3

Dopa peteamopa Pitame baa lamaiyoo, “Ananiasa, embame aipuma Satane ipao monanya tumbina kaeyapala, yuu salimi latala muni nyipi dokonya mendatupa tange nyepala, Oli Spirita doko sambo lamaiye?

Jone 6:70

Dopa leamopa Jisasame dokaitanya pii yanu pyakamaiyoo, “Nambame nyakama 12 disaipolo dutupa yapao nyio. Dopaka doko, nyakamanya mende imambu koo paleta petelyamanona” lea.

Revelesene 2:10

Dopana, emba tanda nyepenge dupanya paka nakaeyape. Nyakamanya mendapu makande pina lao Sataneme anjinya pyandalapomo. Dokopa yuu gii akalita dutupanya kenda mendapu nyakama-kisa ipapomo. Dopa pyaapomona, nyakamame Gote tungi pingi doko yakinala naeyao minatae katao, kumingi gii doko kandao nyalapape. Dopa pitaminopa, lete katenge dokonya kiŋi balu doko nambame nyakama dito.

2 Pita 2:4

Wamba enjele mendapuame koo piaminopa, Goteme dupa katena lao kaeyala naeya-pyaa. Baame dokaita yuli koo eteteaka iminjembatae Tatarusa lenge dokonya watanya pyandatala, sene kendeme anjinya palyia-pyaa. Goteme yapata gii doko malisoo dokaita anjetae palelyamino.

Revelesene 13:14

Yana kapu wambao dokonya enombanya kalai paka pipae dupa yana kapu lapo pyoo dokome pina lao Goteme kaeya dokonya, yana kapu lapo pyoo dokome Gotenya endakali yuu dakenya palengema dupa minakasoo, yana kapu wambao konjuwa kombe paleta saka katea doko waingi tapae mende wasina lea.

Revelesene 22:15

Endakali yana mona palengepi, nemango lengepi, kepo kolengepi, endakali pyao kumasingipi, gotena lao wasepae dupa lotuu lengepi, sambo mana dupa auu kaeyao miningipi, dupa pitaka Gotenya siti dokonya kamalya katatami.

Matyu 12:34

Nyakama koo kanopatonya mandipae, koo pingima dupame aipa petala pii epe mende latami? Endakalinya monanya paliu tumbilya dokoaka kambunya pyakalyingi.

Jone 7:17

Nambame mana lelyo dupa Goteme dimupa lelyepe, nambanya kyetome lelyepe lao, Gotenya masingili pyoo kalai pitoo lao maseta endakali dokome kandata.

Jone 8:55

Nyakamame baa nakandengema. Dopaka doko, nambame baa kandenge. Nambame baa nakandengena lapuli doko, namba sambo lenge nyakama-yale jipuli. Dopaka doko, nambame baa kandenge dokonyana, baanya pii doko nambame wata-miningi.

1 Jone 1:8

Naima koo mende napingina latamano doko, naima tange minakasetamanopa, kiningi pii doko naima-kisa naseta.

1 Jone 2:21

Nyakamame kiningi pii doko masala naelyamino latala, nambame pepa dake pyao peakala naelyo. Nyakamame kiningi pii doko masilyamino dokonya, nambame pepa dake pyao peekelyo. Sambo pii mende kiningi pii dokonya napalengena lao nyakamame masilyamino.

Aposole 24:9

Dokopa Tetulusame pii lea dutupa etete kiningina lao Juu peteami dupame kyeto tasiami.