Jone 8:15 - Enga Niu Tesamene

¹⁵ Nyakamame endakali ketae kandao yapengema. Nambame endakali mende yapala naenge.

Jone 8:15 Referans Kwoze

Jone 12:47

Namba isa yuu dakenya epeo doko, endakali dupa yapalanya naepeo. Nambame endakali dupa pyoo nyalanya epeo. Tenge dokonya, endakali mendeme nambanya pii dupa sepala wata-minala naeyatamo doko, nambame baa yapala naeyatoaka.

Jone 7:24

Nyakamanya lengeme kisa kandao yapala naenya, mana tolatae dokome yapalapape” lea.

Jone 3:17

Isa yuu dakenya endakali dupa-kisa tenge setapala tanda maitamopa lao, Goteme baanya Ikiningi doko isa yuu dakenya epena laa naeya. Baanya Ikiningi dokome isa yuu dakenya endakali dupa pyoo nyina lao epena lea.

Jone 18:36

Dopa leamopa Jisasame yanu pyao, “Nambanya kingdom doko isa yuu dakenya-tae daa. Nambanya kingdom doko isa yuu dakenya-tae-pyali doko, Juu dupanya kinginya namba namaina lao, nambanya kalai akali dupame yanda pimili. Dopaka doko, nambanya kingdom doko isa yuu dakenya-tae daana” lea.

1 Korina 2:15

Spirita doko katenge endakali dupame dupa pitaka yapao kandengema. Dopaka doko, Spirita doko katenge endakali dupa aipalepe lao endakali mendeme yapao nakandenge.

Roma 2:1

Dopana, embame endakali yapelyeno dokome emba-kisa koo mende nasilyamona lapenge daa. Endakali waka dupame mana minilyamino dupaka embame miningi dokonya, dupame koelyaminona lao embame yapelyeno dokome emba tange koona lao yapelyenosa pingi.

Jone 8:11

Dokopa enda dokome lao pituu, “Akali Andake, mende nakalyamona” lea. Dopa leamopa Jisasame lao pituu, “Nambame apata emba yapala naelyona, emba pupala dee koo mende napipi” lea.

Jemesa 2:4

nyakamame mona koo paliu endakali yapataminosa pita. Dopa pitami dokome, nyakama-lapo wakale pyaloo napitamipi?

Luku 12:14

Dokopa Jisasame baa lamaiyoo, “Wane, apimi namba nyakambanya pii tolasoo, oapi mokosingi akali kata leape?” lea.

2 Korina 5:16

Dopana endakalimi endakali yapengeli pyoo, naimame endakali mende indupa yapala naelyamano. Wamba naimame dopa pyoo Kraisa yapeamanoaka doko, indupa naimame baa dopa pyoo yapala naelyamano.