Jone 7:18 - Enga Niu Tesamene

¹⁸ Endakali mendeme baanya kyetome pii lelya dokome, baa tange kenge andake nyotoo lao lenge. Dopaka doko, endakali mendeme baa epena leamo akali doko kenge andake nyina lao kiningi pii lenge. Endakali doko-kisa mana koeyapae mende nasingi.

Jone 7:18 Referans Kwoze

Jone 5:41

Namba endakalimi lalyina lao nakalyo.

1 Tesalonaika 2:6

Nyakamapi, endakali wakapi, dupame naima lalyimili lao masala naeyama. Naima Kraisanya aposole dupame nyakama kenda pisoo katapenge jiamoaka doko,

Jone 12:28

Dopana, Apane, emba tange kenge andake nyepe” lea. Dopa lateamopa pii mende kaiti-kisa katao lea dokome lao pituu, “Namba kenge andake nyepeona, deaka namba kenge andake nyalapona” lea.

1 Pita 4:11

Gotenya pii doko lamaina lao endakali mende kyeto maita dokome, Gotenya pii doko lamailyona lao masoo lamaipenge. Endakali nisina lao endakali mende kyeto maita dokome, Goteme kyeto maitali pyoo endakali dupa nisepenge. Nyakamame dopa pitaminopa, Jisasa Kraisa-kisa Gote kenge andake nyeta. Tii pipae dokopa, kyeto dokopa, dolapo tanga-tangapi baanyaka. Doko kiningi.

Matyu 6:9

Nyakamame dapa lao loma salapape: Naimanya Takange kaiti-kisa katenge, embanya kenge doko auu pyoo lapa lape.

Jone 11:4

Jisasame wai doko sepala lao pituu, “Yaina dokome baa kumasala naeyalapomo. Yaina dokonya-kaita Gotenya kenge andake doko baanya Ikiningi doko-kisa panasetamopa, baanya Ikiningi doko kenge andake nyetana” lea.

Jone 8:54

Dopa leaminopa Jisasame yanu pyao, “Namba tange kenge andake nyoto doko, angi mende nanjeta. Nambanya Takange dokome namba kenge andake dingi. Baa lao nyakamame lao pituu, ‘Naimanya Gote dokona’ lengema.

Jone 12:43

Tenge doko, Goteme dokaita lalyina lao masala naenya, endakalimi dokaita lalyina lao masiami.

1 Jone 2:29

Baa tolataena lao nyakamame masingima dokonya, mana tolatae miningi endakali dupa pitaka baanya mandipaena lao nyakamame masepengeaka.