Jone 7:1 - Enga Niu Tesamene

¹ Maitakao Juu dupame Jisasa pyao kumasalanya kaitini kutiaminosa, baa Judia paeyala naeyatoo lao masetala, yuu Galali dokonya iki paeyao katea.

Jone 7:1 Referans Kwoze

Jone 4:3

Dopa lao masetala, baa Judia yakinatala Galali pea.

Matyu 21:38

Pena lateamopa wane doko epeamo kandatala, ee isakamaingi dupame nyakama-lapo laloo pyoo, ‘Wane dakeme takangenya moeya dupa nyepengena, moeya dupa naima nyetamana, baa pyao kumasemana ipupa’ leami.

Jone 7:19

Mosesame loo dupa nyakama nandiape? Loo dupa nyakama diaka doko, nyakamanya mendaipi mendeme Mosesanya loo dupa wata-minala naengema. Dopana, nyakamame aipuma namba pyao kumasepenge kaitini kutilyamipi?” lea.

Matyu 10:23

Dopana, endakali dupame taono mendenya nyakama tanda dyoo koeyasiami-kandeno dokopa, nyakamame taono doko yakinatala mendenya paka pupape. Israele yuu dokonya taono dupa pitakanya nyakamame kalai pyoo etala naeyataminopa, Akalinya Ikiningi doko ipatana lao nambame nyakama kiningi langilyo.

Aposole 10:38

Pii doko dake: Nasarete tange Jisasa doko Goteme Oli Spiritapa, kyetopa dolapome aiyomba minani petala, Gote baa apata kateambi dokonya, Jisasame yuu dupa pitakanya paeyao kalai epe pyoo, Sataneme kenda pisetae endakali dupa auu pisia doko nyakamame masilyamino.

Jone 4:54

Jisasa baa Judia katao Galali ipupala, mirakolo dakeme lapo pyoo pia.

Jone 1:19

Juu dupame Jerusalema katao prisapi, Lipaipi mendapuame Jone baa apipi lao tipa pyoo sala pena leaminopa, Joneme lao panao,

Jone 8:40

Dopaka doko, nambame Gote-kisa kiningi pii sio dupa nyakama langipupa, indupa nyakamame namba pyao kumasepenge kaitini kutilyamino. Nyakamame pilyamino doko Abraameme napia.

Jone 8:37

Nyakama Abraamenya puu dokonya mandipaena lao nambame masilyoaka doko, nambanya pii doko nyakama-kisa sepenge panda mende nasipya dokome, nyakamame namba pyao kumasepenge kaitini kutilyamino.

Jone 7:25

Dokopa Jerusalema tange mendapuame lao pituu, “Pyao kumasalanya kutilyamino akali doko dake kandamuape?

Make 11:18

Endakali kambu kateami dupa pitakame mana leamo doko sepala walu lao paka kaeyami. Tenge dokonya, Mosesanya loo mana nyepaepi, prisa mupapi, dupame Jisasa paka kaeyapala, baa aipa petala pyao kumasemape lao kaitini kutiami.

Jone 6:1

Gii mendatupa pateamopa, Jisasa baa Galali pete, kenge mende Taibiriasa lenge dokonya omotena pea.

Jone 7:11

Nee andake dokonya nao kateaminopa, Juu dupame Jisasa baa anja kalyape lao tipa pyoo kutiami.

Jone 7:13

Dopaka doko, endakali dupame Juu dupa paka kaeyami dokonya, endakali mendaipi mendeme baa akali dokona lao, panao laa naeya.

Jone 7:35

Dopa leamopa Juu dupame nyakama-lapo laloo pyoo, “Naimame nakanjepale lao baa anja paanya lelya? Naima tata mendapu yuu waka dupanya Giriki dupa-pipa kalyamino dupanya, Giriki dupa mana lamaiya paanya lelyape?