Jone 6:5 - Enga Niu Tesamene

⁵ Baa petea dokonya endakali kambu andake mende epeamino kandatala, Jisasame Pilipa lamaiyoo, “Endakali dakaita breta nena anja-tae sambakamaimape?” lea.

Jone 6:5 Referans Kwoze

Matyu 15:33

Dopa leamopa baanya disaipolo dupame baa lamaiyoo, “Endakali napalenge yuu dakenya naimame breta anja-tae nyepala, endakali kambu andake dake nao tiaka kaena maimape?” leami.

Jone 4:35

‘Kana kitomende patatamopa, nee dupa wambu pitamopa manditamana’ lao nyakamame lengema. Salapape! Nambame nyakama dapa langilyo: Indupa nee wambu pimupa mandipenge jilyamona, nyakama lenge tapala kanjepa.

Jone 1:43

Yuu gii mende dokonya Jisasa baa Galali yuu dokonya patoo lao pea. Pupala, Pilipa kandao nyepala baa lamaiyoo, “Emba namba watao ipu” lea.

Make 6:32

Dopa lateamopa, dokaita iki sipi mendenya pyakalyetala, endakali napalenge yuu mendenya peami.

Luku 9:10

Jisasanya aposole dupa pilyetala, dokaitame kalai piami dupa pitaka Jisasa lamaiyami. Lamaitiaminopa baame dutupa iki laminao, taono Betsaida lenge dokonya makisa, endakali napalenge yuu mendenya pea.

Jone 1:44

(Pilipa baa Betsaida tange. Andruapa, Pitapa dolapo siti dokonyaka tange.)

Jone 1:45

Pilipame Nataniele kandao nyepala baa lamaiyoo, “Mosesanya loo bukupi, propeta dupame pepa piamipi, dupanya akali mende ipatana lao pepa pyapae singi akali doko naimame kanjemano. Akali doko baa Nasarete tange Josepe ikiningi Jisasa dokona” lea.

Jone 1:46

Dopa leamopa Natanieleme baa lamaiyoo, “Dopale epe mende Nasarete dokonya kapa pao pyakalyetape?” lea. Dokopa Pilipame baa lamaiyoo, “Kanja ipu” lea.

Jone 1:48

Dokopa Natanieleme baa lamaiyoo, “Aipa petala embame namba kandengepe?” lea. Dopa leamopa Jisasame baanya pii yanu pyakamaiyoo, “Pilipame emba ipu laa naeyamupa, emba piki ita tenge mendenya katapino kanjona” lea.