41 Namba endakalimi lalyina lao nakalyo.
Endakali mendeme baanya kyetome pii lelya dokome, baa tange kenge andake nyotoo lao lenge. Dopaka doko, endakali mendeme baa epena leamo akali doko kenge andake nyina lao kiningi pii lenge. Endakali doko-kisa mana koeyapae mende nasingi.
Nyakamapi, endakali wakapi, dupame naima lalyimili lao masala naeyama. Naima Kraisanya aposole dupame nyakama kenda pisoo katapenge jiamoaka doko,
Namba tange kenge andake nyalanya kaitini kutao nakalyo. Akali mendeme namba kenge andake dyaanya pilyamo dokome endakali dupa tolao yapenge.
Namba akali dokona lao endakalimi pii lao panelyami dupanya namba kyeto nyala naenge. Dopaka doko, nyakama pyoo nyetamopa lao nambame pii dutupa langilyo.
Dopa leaminopa Jisasame yanu pyao, “Namba tange kenge andake nyoto doko, angi mende nanjeta. Nambanya Takange dokome namba kenge andake dingi. Baa lao nyakamame lao pituu, ‘Naimanya Gote dokona’ lengema.
Dopa latala, endakali dokaita ipao Jisasa minatala baa kyeto joo kiŋi kata laanya pilyamino lao kandatala, baa iki yuu manda mendenya pea.
Gote mendai iki dokome nyakama kenge andake dina lao kaitini kutala naenya, nyakama-lapo kenge andake mai-mai pyoo katengema dokome, aipa petala nyakamame namba tungi pyatami?
Takange Gote Tii Pipae Andake dokome kenge epe dokopa, tii pipae dokopa, dolapo Jisasa maiyamopa nyia. Gii dokopa, pii mende lea dokome baa lao, lao pituu, “Dake nambanya Ikiningi mona setenge, nambame etete auu kaenge dokona” lea.
Kraisame naima masetala tanda nyiamo dokome, baa peamo kaitini dokonya nyakama watao ipupale lao, nyakamanya makande mende setekea. Kraisame tanda nyiamoli pyoo nyakama tanda nyetaminopa latala, Goteme nyakama wii lao nyia.
Dopaka doko, nyakamame namba-kisa lete katenge doko nyala naepenya tuu pilyamino.
Gote auu kaenge doko nyakama-kisa nasilyamona lao nambame kandenge.
Tenge doko, Goteme dokaita lalyina lao masala naenya, endakalimi dokaita lalyina lao masiami.
