Jone 5:16 - Enga Niu Tesamene

¹⁶ Jisasame Sambata dupanya kalai dopale dupa piamosa, Juu dupame tee pyao Jisasa tanda maiyoo koeyasetala, baa pyao kumasemana lao kaitini kutiami.

Jone 5:16 Referans Kwoze

Jone 15:20

‘Kalai akali mendeme baanya akali andake doko ita naminingina’ lao nambame nyakama langyo doko nyakamame masalapape. Namba tanda dyoo koeyasingima endakali dupame nyakama apata tanda dyoo koeyasetamiaka. Nambanya pii dupa wata-miningima endakali dupame nyakamanya pii dupa apata wata-minatamiaka.

Jone 10:39

Dokopa dokaitame baa anjepenge kaitini kutiaminopa, dupa yakinatala baa pea.

Jone 7:25

Dokopa Jerusalema tange mendapuame lao pituu, “Pyao kumasalanya kutilyamino akali doko dake kandamuape?

Jone 5:13

Panda dokonya endakali longo kambu pyao kateami dupanya-kaita Jisasa baa elyakalao kolala pateamopa, akali yaina pyapae dokome baanya yaina doko akali apimi mee jakalape lao masala naeya.

Luku 6:11

Dokopa Mosesanya loo mana nyepaepi, Parasipi dupa imbumi etete tii lapala, Jisasa doko aipa pimape lao nyakama-lapo leami.

Make 3:6

Dopa piamopa, Parasipi, Kiŋi Erote tatapi, dupame Jisasa aipa petala pyao kumasemape lao yapa kamaka kolalyetala kambuiyami.

Matyu 12:13

Dopa latala baame akali doko lamaiyoo, “Embanya kingi doko tinoko” lea. Dokopa baanya kingi doko tinokeamopa, kingi doko auu petala kingi yangi epe dopaleaka jia.

Jone 1:19

Juu dupame Jerusalema katao prisapi, Lipaipi mendapuame Jone baa apipi lao tipa pyoo sala pena leaminopa, Joneme lao panao,

Jone 5:10

Tenge dokonya, Juu dupame akali yaina pyapae mee jia doko lamaiyoo, “Indupa Sambata dakenya embanya lapa toko doko nyoo soo paelyeno doko, loome daa latae singi doko yalelyenona” leami.

Jone 5:15

Dokopa akali doko pupala, baanya yaina mee jakamaiya akali doko Jisasana lao Juu dupa lamaiya.

Jone 5:17

Dopa piaminopa Jisasame dupa lamaiyoo, “Nambanya Takange dokome indupapi kalai pyoaka kalyamo dokonya, nambame apata kalai pyoaka kalyona” lea.

Jone 5:18

Dopa leamosa, Juu dupame baa pyao kumasemana lao kyeto joo kaitini kutiami. Baame Sambatanya loo doko yalea dokonya iki daa, Gote baanya Takangena lea dokome baa Gotepa mendai dopalena leamosa, baa pyao kumasemana lao kyeto joo kaitini kutiami.

Jone 7:21

Dopa leaminopa Jisasame dokaita lamaiyoo, “Nambame kalai mendai pipu doko kandatala, nyakama pitaka walu lao paka kaelyamino.