Jone 5:13 - Enga Niu Tesamene

¹³ Panda dokonya endakali longo kambu pyao kateami dupanya-kaita Jisasa baa elyakalao kolala pateamopa, akali yaina pyapae dokome baanya yaina doko akali apimi mee jakalape lao masala naeya.

Jone 5:13 Referans Kwoze

Luku 24:31

Dokopa akali dolaponya lenge tii peteamopa, baa doko-lamo lao kandeambi. Dokopa dolapome baa nakandena lao baa pyoo alu pia.

Luku 4:30

Dopa piaminopa, Jisasa baa endakali kambu dokonya kainanya kolanyetala pea.

Jone 14:9

Dokopa Jisasame Pilipa lamaiyoo, “Pilipa, namba nyakama-pipa gii longo-waka katamano doko, embame namba masala naelyepe? Namba akali doko-lamo lao kandelya endakali dokome Takange doko apata kandengeaka. Dopa pingina, embame aipa pyoo Takange doko laitaka pii lelye?

Jone 8:59

Dopa leamosa Juu dupame baa pyalanya kana nyiaminopa, Jisasa baa yalo pyoo, dokaitanya kaina dupanya-kaita lotuu anda nee nyetae kamapu doko yakinatala pea.

Jone 5:12

Dopa leamopa dokaitame baa tipa pyoo, “Embanya lapa toko doko nyoo soo kaita pae lame-lumu akali doko apipi?” leami.

Jone 5:14

Maitakao Jisasame lotuu anda nee nyetae kamapu dokonya akali doko kandao nyepala baa lamaiyoo, “Indupa embanya yaina doko mee jakalamona, kenda andakele mendeme emba koeyasetana, dee koo mende napipi” lea.