Jone 4:40 - Enga Niu Tesamene

⁴⁰ Dopa petala, Samaria tange dupa Jisasa katea dokonya pupala, baa nyakama-pipa katamana kaena lao kongo leaminosa, yuu gii lapoma baa dupa-pipa yuu dokonya kateami.

Jone 4:40 Referans Kwoze

Revelesene 3:20

Sepe! Namba anda kambu dokonya katapala gata-gata lao kalyo. Endakali mendeme nambanya pii doko sepala anda kaita doko lumbatamo doko, namba baanya andaka kolandatala, baa-pipa nee nao pititambanopa, baa namba-pipa nee nao pititambaka.

Aposole 16:15

Dokopa enda dokopi, baanya andaka palengemapi, dupa naimame kaimbu pyakamaiyama. Dopa peteamanopa baame naima langyoo, “Nambame kiningi Kamongo doko tungi pilyino lao masetamino doko, nyakama nambanya andaka palimana ipupa” lao kyeto joo leamosa, naimame baanya pii leali piama.

Luku 24:29

Dopa piamopa, akali dolapome kyeto joo baa lamaiyoo, “Yuu kuiyalanya niki landa pyatelyamona, emba nalimba-pipa palimana kae” leambi. Dopa leambinosa, baa akali dolapo-pipa palimana lao andaka kolandea.

Luku 8:38

Dopa piamopa, imambu koo dupame yakineami akali dokome baa Jisasa-pipa katambana buape lao kyeto joo tee lea. Dopa leamopa Jisasame baa pena latala lamaiyoo,

Luku 10:39

Lanyoo ipateamopa, Mata kakingi Maria lenge doko Jisasanya moko setea dosa pitipala, baanya pii lea doko soo petea.

Jone 4:39

Enda doko taono dokonya pupala endakali dupa lamaiyoo, “Nambame pyoo petenge dupa pitaka akali mendeme langyomona” lao, lao paneamopa, endakali Samaria tange longome enda dokonya pii doko sepala, Jisasa tungi piami.

Jone 4:41

Dokopa endakali longome apata baanya pii doko sepala, baa tungi piamiaka.

Jone 4:43

Jisasa baa yuu gii lapoma Samaria katapala Galali pea.

Aposole 8:8

Sepala siti dokonya paleami endakali dupa eteke andake piami.