Jone 4:23 - Enga Niu Tesamene

²³ Takange doko angi mambo pingi endakali dupame Spirita dokopa, kiningi pii dokopa, dolapome Takange doko mambo pyapenge gii ipupenge doko indupa ipatelyamo. Endakali dopale dupame baa mambo pina lao Takange dokome kutao kalyamo.

Jone 4:23 Referans Kwoze

Pilipae 3:3

Gotenya Spirita dokome naimapi, nyakamapi nisilyamopa baa mambo pyao, Jisasa Kraisanya kenge doko minalyoo, yanu kepenge mana doko tungi napyao kalyamano dupa pitaka yanu kepapae joo kalyamano.

Jone 5:25

“Nambame nyakama etete kiningi langilyo: Endakali kumapae dupame Gote Ikiningi dokonya pii dupa setamina latae gii doko indupa ipatelyamo. Baanya pii doko setami endakali dupa lete katatami.

Galesia 4:6

Indupa nyakama Gotenya ikiningi kalyamino dokonya, Goteme baanya Ikiningi dokonya Spirita doko nyakamanya mona andaka epena lamupa, Spirita dokome, “Apane, Apane” lao wii lao kalyamo.

Roma 8:26

Naima kyeto nasingi dupame loma silyamano dupanya aipa lao loma silyamape lao masala naeyao mona andaka ee lao kalyamanopa, Spirita dokome naima nisoo, endakali piimi lapenge nanjoo ee lao loma sekenge.

Jone 12:23

Lamaiyambinopa Jisasame dolapo lamaiyoo, “Akalinya Ikiningi doko kenge andake nyepenge gii doko ipatelyamo.

Epesusa 6:18

Spirita dokome nisetamopa, nyakamame koteaka lao Gote tee lao loma salapape. Dopa pyoo katao, endakali Gotenya latae dupa pitakanya nyakamame yakinala naeyao loma sakamaiyoo, lenge tao kalyepape.

Jone 4:21

Dopa leamopa Jisasame baa lamaiyoo, “Enda, nambanya pii lelyo dake kiningina lao embame masepe: Gii doko ipatamopa, manda dakenyapi, Jerusalemapi katao Takange doko mambo pyala naeyatami.

Jone 1:17

Loo dupa Goteme Mosesa-kisa maiya-pyaa. Dopaka doko, kondo kaenge dokopa, kiningi pii dokopa, dolapo Jisasa Kraisa-kisa epea.

Roma 8:15

Gotenya Spirita nyakama nyiamino dokome nyakama kendemane nyepala paka pisina lao nanyiami. Spirita dokome nyakama Gotenya ikiningi jalapale lao mandyoo nyia. Dopa piamo dokonya nyakamame “Apane! Apane!” lao Gote wii lao kalyamino.

1 Pita 2:9

Dopaka doko, nyakama Gotenya yapao nyepae, kiŋinya prisapi, akali tata baanya lataepi, dupa Gotenya etao kalyamino. Gotenya mana etete epe dupa dopalena lao, lao panalapale lao, nyakama iminjetae doko yakinatala, baanya tii pipae etete epe dokonya ipupale lao wii lao nyia.

Jone 16:32

Salapape! Nyakama mendai-mendai lao nyakamanya andaka dupanya pupale lao, pyao tale pisalamino gii doko indupa ipatelyamo. Nyakamame namba iki kalyale lao yakinatala paka paaminoaka doko, namba iki nakalyapo. Nambanya Takangepa tole kalyambano.

Roma 1:9

Gote Ikiningi dokonya wai pii epe doko nambanya moname endakali dupa lamaiyoo kalai pyakamaingi. Nambame koteaka lao loma silyo dokonya nambame nyakama kame sala naenge. Goteme yakana lao masetamo doko, indupa nyakama kanja ipatoo, kaitini mende setekena lao kyeto joo loma silyo. Dopa pilyo doko Goteme kandelyamo.

Jone 5:28

Nambame pii lelyo datupa sepala nyakama walu laa naeyalapape. Gii doko ipatamopa, endakali malu petae dupa pitakame Akalinya Ikiningi dokonya pii doko sepala,

Jone 16:2

Endakali dupame nambapa, nambanya Takangepa, nalimba nakandengema dokonyana, dokaitame lotuu anda dupanya nyakama watao pyatami. Yangimi nyakama pyao kumasetala, Gote kundi maiyoo kalai epe mende pilyamanona lao masetami. Dopa pitami gii doko ene epelyamo.