Jone 4:21 - Enga Niu Tesamene

²¹ Dopa leamopa Jisasame baa lamaiyoo, “Enda, nambanya pii lelyo dake kiningina lao embame masepe: Gii doko ipatamopa, manda dakenyapi, Jerusalemapi katao Takange doko mambo pyala naeyatami.

Jone 4:21 Referans Kwoze

1 Timoti 2:8

Dopana, akali dupame lotuu latami panda dupa pitakanya imbu nakaeyao, atete napyoo, kingi Gotenya latae dupa minalyetae katao, loma simi laka lao masilyo.

Epesusa 2:18

Naima Juupi, akali tata wakapi, dupa pitaka-kisa Spirita mendai dokoaka katenge dokonya, naima pitaka Takange kalyamo dokonya pupenge.

Jone 4:23

Takange doko angi mambo pingi endakali dupame Spirita dokopa, kiningi pii dokopa, dolapome Takange doko mambo pyapenge gii ipupenge doko indupa ipatelyamo. Endakali dopale dupame baa mambo pina lao Takange dokome kutao kalyamo.

Matyu 18:20

Endakali lapo tepopi mende nambanya kengenya kambu pyao pititami dokonya kainanya namba apata katatona” Jisasame lea.

Epesusa 3:14

Nambame dutupa pitaka masetala, naimanya Kamongo Jisasa Kraisanya Takange dokonya enombanya namba luma lakapala loma silyo.

Jone 16:32

Salapape! Nyakama mendai-mendai lao nyakamanya andaka dupanya pupale lao, pyao tale pisalamino gii doko indupa ipatelyamo. Nyakamame namba iki kalyale lao yakinatala paka paaminoaka doko, namba iki nakalyapo. Nambanya Takangepa tole kalyambano.

Jone 16:2

Endakali dupame nambapa, nambanya Takangepa, nalimba nakandengema dokonyana, dokaitame lotuu anda dupanya nyakama watao pyatami. Yangimi nyakama pyao kumasetala, Gote kundi maiyoo kalai epe mende pilyamanona lao masetami. Dopa pitami gii doko ene epelyamo.

Jone 5:28

Nambame pii lelyo datupa sepala nyakama walu laa naeyalapape. Gii doko ipatamopa, endakali malu petae dupa pitakame Akalinya Ikiningi dokonya pii doko sepala,

1 Pita 1:17

Goteme endakali mende mona setapala, mende maka kaeyala naenge. Endakali mendai-mendainya kalai pilyami dupa kandao baame yapenge. Dopa pingi Gote doko nyakamanya Takange lengema-tamo doko, yuu dakenya tisa kalyamino gii dakepa, baa paka kaeyao kalyepape.

Aposole 6:14

Naimame simanopa baame dapa lapya: ‘Nasarete tange Jisasa dokome panda dake koeyasoo nepatala, Mosesame naimanya mana setekeamo dupa aloo pitana’ lapyana” leami.

Jone 14:6

Dokopa Jisasame baa lamaiyoo, “Kaitini dokopi, kiningi pii dokopi, lete katenge dokopi, dutupa namba. Takange doko katenge dokonya paanya kaitini waka mendenya-kaita napenge. Namba-kisa iki penge.

Jone 5:25

“Nambame nyakama etete kiningi langilyo: Endakali kumapae dupame Gote Ikiningi dokonya pii dupa setamina latae gii doko indupa ipatelyamo. Baanya pii doko setami endakali dupa lete katatami.

Luku 21:24

Dopa pitamopa, endakali yangi dupa konjuwame pyao kumasetala, yangi dupa anjetala laminao yuu waka dupanya patami. Gii dokopa, akali tata waka dupame Jerusalema moko katao nepao pao, dopa pyoo etatamina lao gii setapae dokonya tuu latamina” lea.

Matyu 28:19

Dopana, nyakama pupala, akali tata dupa pitaka nambanya disaipolo jina lao pii lamaiyepape. Lamaitala, Takange dokopi, Ikiningi dokopi, Oli Spirita dokopi, dutupanya kenge dokonya kaimbu pyatakamai,

Revelesene 21:22

Siti dokonya lotuu anda nee nyetae mende kateamo nambame nakandeo. Kamongo Gote Eteteaka Kyeto dokopa, Sipisipi Ŋaŋa dokopa, dolapo siti dokonya lotuu anda nee nyetae joo kateambi.