Jone 4:14 - Enga Niu Tesamene

¹⁴ Dopaka doko, nambame endaki maitopa natami endakali dupa tanga-tangapi dee endaki nanu nakaeyatami. Endaki nambame maitopa natami endakali dupa-kisa endaki doko pituu tumbatala lyoo ipao, endakali dupa lete etete katenge doko maitana” lea.

Jone 4:14 Referans Kwoze

Jone 6:35

Dopa leaminopa Jisasame dokaita lamaiyoo, “Lete katasingi breta doko nambana, endakali mende namba katato dokonya ipatamo doko, baa tanga-tangapi lopo kaeyala naeyata. Endakali mendeme namba tungi pyatamo doko, baa endaki nanu kaeyala naeyataka.

Revelesene 7:16

Dokopa endakali dokaita dee lopo nakaeyao, endaki nanu nakaeyaowaka pitami. Nikimi tala naeyao, itaita andake mendeme dokaita yangala naeyaowaka pita.

Jone 11:26

Namba tungi pyao katatami endakali dupa pitaka kumala naeyao kataowaka katatami. Embame pii doko kiningina lao masilyipi?” lea.

Jone 6:58

Wamba nyakamanya yumbange dupame manaa nee neaminoaka doko, dokaita kumiami. Breta kaiti-kisa katao isa epeamo doko dopale daa. Breta kaiti-kisa katao isa epeamo doko natami endakali dupa lete etete katatamina” lea.

1 Jone 5:20

Gote Ikiningi doko ipupala, kiningi pii lenge Gote doko masalapale lao, naima masepae diana lao naimame masilyamanoaka. Kiningi pii lenge Gote dokopa, baanya Ikiningi Jisasa Kraisapa, dolapo-kisa naima kalyamano. Jisasa Kraisa baa Gote angi, lete etete katenge dokonya tenge doko.

2 Korina 1:22

baanyana lao naima-kisa kongali pinya katea. Maitakao baame dopale naima dita dupa kiningi ditona lao panasoo, wambao baanya Spirita doko naimanya mona andaka epekena lea.

Roma 6:23

Koo pingi dokonya yole doko kumingi doko. Dopaka doko, naimanya Kamongo Jisasa Kraisa-kisa Goteme baanya kondo kaenge dokome lete etete katenge doko mee dingi.

1 Pita 1:22

Spirita dokome nisiamopa, nyakamame kiningi pii doko wata-miniamino dokome, nyakama-kisa koo mende nasina lao pyoo wasoo nepateami. Dopa piamino dokome, Kristene kaiminingi dupa auu kaenge mana doko nyakamanya mona andaka silyamona, nyakamame monanya katao nyakama-lapo mende auu kae-kae pyoo kalyepape.

Jone 10:10

Pake nenge dokome sipisipi dupa pake nyepa, koeyaseta, pyao kumaseta pyaanya epenge. Dopaka doko, namba epeo doko, sipisipi dupa lete katenge doko nyepala, auu pyoo katataminopa lao epeo.

Epesusa 4:30

Mokao nyepenge gii doko palitamopa nyakama mokao nyotopa lao, Gotenya Oli Spirita dokome nyakama Gotenyana lao kongali pinya kateana, nyakamame Oli Spirita doko kenda pisala naeyalapape.

Roma 5:21

Dopa pia dokonya, koo pingi mana dokome endakali dupa kumina lao isoo katea-pyaa. Indupa Gotenya kondo kaengeme tolataena lenge dokome, naimanya Kamongo Jisasa Kraisame kalai piamo dokonya-kaita, naima lete etete katenge doko ditala isoo kalyamo.

Matyu 25:46

Endakali kingi koeyatena katatami dokaita tanda nenge panda dokonya etao patami. Dopaka doko, endakali tolatae dupa lete etete katenge panda dokonya etao patamina” Jisasame lea.

Matyu 5:6

“Mana tolatae dupa wata-minapu laka lao masetala, nee kaengema endakali dupa Goteme auu pisingi. Auu pisetae dupa mana tolatae dupame tumbatamopa katatami.

Jone 4:10

Dokopa Jisasame baanya pii yanu pyakamaiyoo, “Goteme dopale mende emba mee ditoo lao masilyamo doko embame masala naelyeno. Akali endaki kamuu dii lelyamo doko apimi lelyape lao masala naelyenoaka. Masipili doko, akali dokome endaki lete katenge doko dina lao tee lapinopa dipyalina” lea.

Jone 4:11

Dopa leamopa enda dokome baa lamaiyoo, “Akali Andake, endaki kamualanya embanya penge mende naminalene-lamo. Endaki pete tombapae dake koko-wakana, embame endaki lete katenge doko anja-tae nyete?

Jone 4:13

Dokopa Jisasame baanya pii yanu pyakamaiyoo, “Endaki pete tombapae dakenya natami endakali dupa pitaka dee endaki nanu kaeyatami.

Jone 4:36

Eenya nee wambu petae dupa mandyoo mau pingi doko baa yole nyoo, lete etete katenge dokonya dii dupa mandyoo mau pingi. Dopa pingi dokonya, ee pokenge dokopa, nee mandyoo mau pingi dokopa, dolapo lapota eteke pyapenge.

Jone 6:27

Takange Goteme Akalinya Ikiningi dokonya kalai pipenge dupa pitaka pina lao yakana latea. Dopa piana, nyakamame etapenge nee dupanya kalai napinya, lete etete katasingi nee, Akalinya Ikiningi dokome maingi dokonya kalai pyepape” lea.

Jone 7:37

Nee andake nenge dokonya gii etao doko, gii andake mende. Gii dokonya Jisasa toeya katapala puu lao, lao pituu, “Endakali mende endaki nanu kaeyateno doko, namba kalyo dakenya endaki nala ipupi.

Revelesene 7:17

Aipumape, Gotenya kiŋi petenge toko dokonya kainanya katenge Sipisipi Ŋaŋa dokome dokaita setao katao, dokaita laminao lete katasingi endaki lee kuingi dupanya pata. Dokopa Goteme dupanya lengenya ee ipata dupa pitaka kunao nepakamaitana” lea.