Jone 3:18 - Enga Niu Tesamene

¹⁸ Gote Ikiningi doko tungi pilya endakali doko-kisa tenge setapala baa yapala naenge. Baa tungi napilya endakali doko-kisa tenge setapala baa yapatae. Endakali dokome Gote Ikiningi mendai iki dokonya kenge doko tungi napingi dokonya, baa-kisa tenge setapala baa yapatae.

Jone 3:18 Referans Kwoze

1 Jone 5:10

Gotenya Ikiningi doko tungi pilyami endakali dupame Gotenya pii lao paneamo doko kiningina lao masingima. Goteme baanya Ikiningi dokonya lao, lao panelyamo doko sepala tungi napilyami endakali dupame, Gote baa sambo lengena lelyaminosa pingi.

Make 16:16

Endakali mendeme wai pii epe doko kiningina lao masetala kaimbu nyetamo doko, baa pyoo nyeta. Dopaka doko, endakali mendeme wai pii epe doko kiningina lao masala naeyatamo doko, baa-kisa tenge setapala tanda maita.

Roma 8:1

Yongeme koo pyoani kaenge dupa wata-minala naenya, Spirita doko wata-minao katenge, Jisasa Kraisa-pipa katenge endakali dupa-kisa indupa Goteme koo tenge mende setala naelyamo.

Jone 5:24

Nambame nyakama etete kiningi langilyo: Nambanya pii doko sepala, namba puu lea Akali doko tungi pilya endakali dokome, kumingi doko yakinatala, lete etete katenge doko nyingi. Dopa pilya dokome, Goteme tenge setapala tanda maingi doko endakali dokome wandingi.

1 Jone 5:12

Gotenya Ikiningi doko-pipa tole nakatenge endakali dupa lete katenge doko nanyingima. Gotenya Ikiningi doko-pipa tole katenge endakali dupa lete katenge doko nyingima.

Jone 3:36

Gote Ikiningi mendai iki doko tungi pilya endakali dokome lete etete katenge doko nyingi. Dopaka doko, Gote Ikiningi dokonya pii doko nepata endakali dokome lete katenge doko nakandata. Gotenya imbu kaenge doko endakali doko-kisa dopa petae singi.

Roma 5:1

Jisasa tungi pingi dokonya-kaita Goteme naima tolataena leamo dokonya, naimanya Kamongo Jisasa Kraisa mambele naima Gote-pipa mona setao kalyamano.

1 Jone 4:9

Naima baa-kisa lete katataminopa lao, Goteme baanya Ikiningi mendai iki doko isa yuu dakenya epena lea. Dopa piamo dokome, baanya auu kaenge doko naima-kisa panasia.

Roma 8:34

Kraisa baa kumateamopa Goteme baa sakatasia. Dopa peteamopa, Kraisa baa Gotenya kingi tolaetena pituu, naima nisoo loma sakao kalyamo. Dopa pilyamo dokonya, apimi naima-kisa tenge setapala tanda nyalapa lata?

Jone 20:31

Dopaka doko, Jisasa doko Gote Ikiningi Kraisa doko-lamo lao nyakamame baa tungi pyatala, baanya kenge dokonya lete katenge doko nyetaminopa lao, mirakolo datupa pepa dakenya pyapae silyamo.

Jone 6:47

Nambame nyakama etete kiningi langilyo: Namba tungi pingima endakali dupa-kisa lete etete katenge doko singi.

Jone 6:40

Ikiningi doko kandatala tungi pyatami endakali dupa pitaka lete etete katataminopa lao namba puu lea Akali dokome masingi. Yuu etatamo gii dokopa nambame endakali dupa malunya sakatasotona” lea.

Jone 1:18

Yuu mendaipi mende endakali mendeme Gote nakandea. Gotenya Ikiningi mendai iki, baa Takangepa tole katenge dokome Gote baa dopalena lao, lao panea.

Ibru 2:3

Dopa piami-pyaana, Goteme naima pyoo nyepenge kalai andake piamo doko naimame yakinatamano doko, baanya imbu kaenge doko naimame aipa petala wanditama? Goteme endakali dupa pyoo nyiamo dokonya pii doko wambao Kamongome lamaiyamopa, Kamongo-pipa tole kateami dupame siami. Sepala dupame pii doko kiningina lao naima langiami.

Ibru 12:25

Wamba isa yuu dakenya Goteme endakali dupa pii yalatamina kandao kalyepape lamaiyamopa, tanga lao pii yaleami dupame baanya imbu kaeya doko kapa pao wandyala naeyami-pyaa. Dopa piami-pyaana, Goteme kaiti-kisa katao, baanya pii dupa yalatamina kandao kalyepape lao naima langitamopa, tanga lao pii yalatamano doko, baanya imbu kaenge doko etete wandyala naeyatama. Dopana, Goteme pii lelyamo doko tanga laa naeyalapape.

Jone 1:12

Dopaka doko, baa lanyepala baanya kenge dokonya tungi piami endakali dupa Goteme baanya wane jina lao baame yakana lea.

Jone 3:16

“Goteme isa yuu dakenya endakali dupa pitaka auu kaeyamo dokome, baanya Ikiningi mendai iki doko maiya. Endakali mendeme Gotenya Ikiningi doko tungi pyatamo doko, baa kumao alu napinya, lete etete katenge doko nyetamopa lao maiya.

Ibru 3:19

Endakali dokaitame Gote tungi napiami dokonya, koto nyingi panda dokonya napupenge jia-lamo lao naimame kandelyamano.

1 Jone 3:23

Baanya mana setapae doko dake: Naimame baanya Ikiningi Jisasa Kraisanya kenge doko tungi pyatala, naima-lapo mende auu kae-kae pyoo kalyepape lao, mana seteamoli pyoo katamana.