Jone 3:11 - Enga Niu Tesamene

¹¹ Nambame emba etete kiningi langilyo: Naimame masingipi, kandengepi dupa lao panamanopa, naimanya pii dupa nyakamame soo nanyilyamino.

Jone 3:11 Referans Kwoze

Jone 8:38

Nambanya Takange doko-pipa tole katao kandeo dokoaka lelyo. Dopaka pyoo, nyakamanya takange doko-pipa tole katao kandeamino dokoaka pilyaminona” lea.

Jone 14:24

Namba auu nakaenge endakali dokome nambanya pii dupa wata-minala naenge. Nyakamame pii silyamino dupa nambanya pii daa, nambanya Takange namba puu lea dokonya.

Jone 12:49

Nambame pii lelyo dupa nambame masoo laa naelyo. Nambame pii lelyo dupa dopa pyoo lape lao namba puu lea Takange dokome leali pyoo nambame lelyo.

Jone 8:14

Dokopa Jisasame dokaitanya pii yanu pyakamaiyoo, “Namba katao epeo yuu doko nyakamame masala naeyao, namba pelyo yuu doko nyakamame masala naeyaowaka pilyamino. Dopaka doko namba katao epeo yuu doko nambame kandao, namba pelyo yuu doko nambame kandaowaka pingi. Dokonya namba dopalena lao namba tange lapuli doko, kiningi lapuli.

Jone 7:16

Dopa leaminopa Jisasame dokaitanya pii yanu pyakamaiyoo, “Nambame mana langilyo dupa nambanya daa. Mana dupa namba puu lea Akali dokonya.

Jone 1:18

Yuu mendaipi mende endakali mendeme Gote nakandea. Gotenya Ikiningi mendai iki, baa Takangepa tole katenge dokome Gote baa dopalena lao, lao panea.

2 Korina 4:4

Gote waingi tapae Kraisanya wai pii epe dokonya tii pipae doko Jisasa tungi napingi endakali dupa-kisa naepena lao, isa yuu dakenya gote, Satane dokome dupanya lenge iminjilyamo.

Jone 1:11

Baanya yuu dokonya baa epeamopa, baanya tata dupame baa lanyala naeyami.

Luku 10:22

Dopa latala baanya disaipolo dupa enomba maitala dokaita lamaiyoo, “Nambanya Takange dokome dupa pitaka namba-kisa setea. Endakali mendeme Ikiningi doko apipi lao masala naenge. Takange dokome iki masingi. Endakali mendeme Takange doko apipi lao masala naengeaka. Ikiningi dokome iki masingi. Takange doko endakali mendeme masina lao Ikiningi dokome masetala panasilyamopa, endakali dokome Takange doko masingiakana” lea.

Revelesene 1:5

Gotenya pii doko tolao lao panenge Jisasa Kraisa doko endakali kumapae dupanya wambao malunya sakatatala, baame yuunya kiŋi dupa isoo kalyamo. Baanya kondo kaenge dokopa, mona yaepenge dokopa, dolapo baame nyakama-kisa epena lapya laka lao masilyo. Baame naima auu kaeyapala baanya taeyoko dokome naimanya koo dupa naima-kisa nasina lao wasa pia.

Aposole 22:18

Dokopa nambame kandeopa baame namba langyoo, ‘Namba akali dokona lao embame lao panatenopa, Jerusalema tange dupame nasalaminona, emba Jerusalema yakinatala yapa puu’ lea.

Jone 5:43

Nambanya Takangenya kenge dokonya namba ipupupa, nyakamame namba maita dilyamino. Dopaka doko, endakali mende baa tangenya kenge dokonya ipatamopa, nyakamame baa lanyetami.

Jone 3:13

Endakali mende kaiti-kisa napea. Akalinya Ikiningi, kaiti-kisa katenge doko isa epeamo doko iki kaiti-kisa pea.

Jone 3:5

Dopa leamopa Jisasame yanu pyao, “Nambame emba etete kiningi langilyo: Endakipa Spiritapa dolapome endakali mende ŋaŋa joo manja naeyatamo doko, Gotenya Kingdom dokonya kapa pao kolandala naeyata.

Jone 3:3

Dopa leamopa Jisasame baanya pii yanu pyakamaiyoo, “Nambame emba etete kiningi langilyo: Endakali mende dee ŋaŋa joo manja naeyatamo doko, Gotenya kingdom doko baame kapa pao nakandatana” lea.

Matyu 23:37

“O Jerusalema, Jerusalema! Embanya endakali dupame propeta dupa pyao kumasoo, epena latae endakali dupa kaname pyao kumasoaka katengema. Nambame embanya wane dupa nyoo kambu pyatala, yaka matakaiyame ŋaŋa dupa papa pundipundi yapu nengeli pitoo lao, paa longosa masiopa, dupame tanga leami.

Matyu 11:27

Nambanya Takange dokome dupa pitaka namba-kisa setea. Endakali mendeme Ikiningi doko masala naenge. Takange dokome iki masingi. Endakali mendeme Takange doko masala naengeaka. Ikiningi dokome iki masingi. Takange doko endakali mendeme masina lao Ikiningi dokome masetala panasilyamopa, endakali dokome Takange doko masingiaka.

Revelesene 3:14

“Laodisia siosa dokonya enjele kalyamo dokonya dapa lao pepa pyao pyasakamaipi: ‘Goteme akali mende minatala tee pyao dupa pitaka pyoo injia dokome yakinala naeyao kiningi pii doko lao panenge. Akali dokome dapa lelyamo:

Jone 3:12

Nambame yuunya singi dupanya nyakama langipupa kiningina lao masala naelyamino doko, kaiti-kisa singi dupanya langitopa aipa petala kiningina lao masetami?

Jone 8:26

Nyakama koelyaminona lao nambame yapao pii longo langipuliaka doko, namba puu lea Akali kiningi pii lenge dokome pii langiamopa sio dutupa iki, isa yuu dakenya endakali dupa nambame panao lamailyona” lea.